ក្នុងអំឡុងពេលបំពេញទស្សនកិច្ចនៅប្រទេសវេណេហ្ស៊ុយអេឡា គណៈប្រតិភូបានចូលរួមកម្មវិធីនានាដែលរៀបចំដោយក្រុមប្រឹក្សាជាតិរៀបចំការបោះឆ្នោតវេណេស៊ុយអេឡា ជួបពិភាក្សាការងារ និងចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាង VUFO និងវិទ្យាស្ថាន Simon Bolivar ដើម្បីសន្តិភាព និងសាមគ្គីភាពរវាងបណ្តាប្រជាជាតិ (ISB) អញ្ជើញចូលជួបសម្តែងការគួរសមជាមួយ លោក Yván Gil Pinto រដ្ឋមន្ត្រីការបរទេសវេណេស៊ុយអេឡា ជួបពិភាក្សាការងារជាមួយក្រុមសមាជិកសភាមិត្តភាព វេណេស៊ុយអេឡា-វៀតណាម មានជំនួបសំណេះសំណាលមិត្តភាពជាមួយសមាជិកនានានៃផ្ទះមិត្តភាពវេណេស៊ុយអេឡា-វៀតណាម អតីតទ័ពវាយឆ្មក់ Caracas និងប្រជាជនដែលស្រឡាញ់វៀតណាម ព្រមទាំងជួបធ្វើការជាមួយស្ថានទូតវៀតណាមប្រចាំនៅវេណេស៊ុយអេឡា...

leftcenterrightdel
ពិធីចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាង VUFO និងវិទ្យាស្ថាន Simon Bolivar ដើម្បីសន្តិភាព និងសាមគ្គីភាពរវាងបណ្តាប្រជាជាតិ (ISB)

ជួបពិភាក្សាជាមួយគណៈប្រតិភូវៀតណាម លោក Yván Gil Pinto រដ្ឋមន្ត្រីការបរទេសវេណេស៊ុយអេឡា បានសង្កត់ធ្ងន់ថា លោកប្រធានាធិបតី និងថ្នាក់ដឹកនាំនៃប្រទេសវេណេស៊ុយអេឡាយកចិត្តទុកដាក់យ៉ាងខ្លាំងចំពោះកិច្ចសហប្រតិបត្តិការរវាង VUFO និង ISB ។ លោក Yván Gil Pinto បានមានប្រសាសន៍ថា អង្គការនានាដូចជា VUFO និង ISB ចាំបាច់ត្រូវជំរុញយ៉ាងសកម្ម និងពង្រឹងទំនាក់ទំនងលើបណ្តាញប្រជាជន រួមចំណែកក្នុងការតភ្ជាប់អង្គភាពអាជីវកម្ម អ្នកប្រាជ្ញ និងការផ្លាស់ប្តូរនិស្សិតរវាងប្រទេសទាំងពីរ៕

បកប្រែដោយ Duy Hoan