ក្រុមប្រឹក្សាសន្តិសុខអង្គការសហប្រជាជាតិអនុម័តដំណោះស្រាយសំខាន់មួយស្តីពីវិបត្តិតំបន់ហ្គាហ្សាស្ទ្រីប

សេចក្តីសម្រេចចិត្តនេះបានអំពាវនាវឱ្យភាគីនានាគោរពតាមកាតព្វកិច្ចច្បាប់អន្តរជាតិ រួមទាំងច្បាប់មនុស្សធម៌អន្តរជាតិ។ បង្កើនការផ្តល់ជំនួយមនុស្សធម៌ជាបន្ទាន់ សុវត្ថិភាព និងគ្មានការរារាំងដោយផ្ទាល់ដល់ជនស៊ីវិលប៉ាឡេស្ទីននៅតំបន់ហ្គាហ្សាស្ទ្រីប ដោះលែងចំណាប់ខ្មាំងភ្លាមៗ និងដោយគ្មានលក្ខខណ្ឌ។ បង្កើតយន្តការរបស់អង្គការសហប្រជាជាតិភ្លាមៗ ដើម្បីពន្លឿនការដឹកជញ្ជូនជំនួយមនុស្សធម៌ទៅកាន់តំបន់ហ្គាហ្សាស្ទ្រីប តាមរយៈបណ្តាប្រទេសដែលមិនពាក់ព័ន្ធក្នុងជម្លោះ។ ទន្ទឹមនឹងនេះ ត្រូវប្រាកដថា ជំនួយទៅដល់ប្រជាជននៅក្នុងតំបន់នេះ។

កងកម្លាំងជួយសង្គ្រោះដែលបំពេញបេសកកម្មនៅកន្លែងដែលបាក់បែកបន្ទាប់ពីការវាយប្រហារផ្លូវអាកាសរបស់អ៊ីស្រាអែលលើទីក្រុង Rafah ភាគខាងត្បូង Gaza Strip កាលពីថ្ងៃទី ១៩ ខែធ្នូ ឆ្នាំ ២០២៣ (រូបថត៖ vnanet.vn)

គួរកត់សម្គាល់ថា នៅក្នុងការបោះឆ្នោតនេះ ទោះបីជាខ្លួនមិនគាំទ្រសេចក្តីសម្រេចចិត្តក៏ដោយ ក៏សហរដ្ឋអាមេរិកមិនបានប្រើប្រាស់អំណាចវេតូរបស់ខ្លួនដែរ។ លោកស្រី Linda Thomas-Greenfield ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ បាននិយាយថា ចាប់តាំងពីជម្លោះផ្ទុះឡើងរវាងចលនាអ៊ីស្លាមហាម៉ាស និងអ៊ីស្រាអែល សហរដ្ឋអាមេរិកបានព្យាយាមចូលរួមចំណែកក្នុងការកាត់បន្ថយវិបត្តិមនុស្សធម៌ ខណៈពេលដែលកំពុងធ្វើការដើម្បីដឹកនាំឆ្ពោះទៅរកសន្តិភាពយូរអង្វែងនៅមជ្ឈិមបូព៌ា៕

តាម vovworld.vn