នេះជាសេចក្តីប្រកាសដែលលោក Kevin McCarthy ប្រធានសភាជាន់ទាប បានធ្វើឡើងបន្ទាប់ពីជំនួបចរចាកាលពីម្សិលមិញ (ថ្ងៃទី ២៥ ឧសភា)។ លោក Joe Biden ប្រធានាធិបតីនិងលោក McCarthy ប្រធានសភាជាន់ទាប នៅតែមានការខ្វែងគំនិតលើការចំណាយ ពន្ធ និងតម្រូវការការងារចំពោះកម្មវិធីប្រឆាំងភាពក្រីក្រ។
យ៉ាងណាមិញ ភាគីទាំងពីរមានទំនុកចិត្តថា ពួកគេអាចរកឃើញចំណុចរួមក្នុងពេលឆាប់ៗ បន្ទាប់ពីជំនួបចរចាប្រកបដោយប្រសិទ្ធភាពអស់រយៈពេលជាច្រើនម៉ោង។ ថ្លែងទៅកាន់អ្នកសារព័ត៌មាន លោក McCarthy បាននិយាយថា វឌ្ឍនភាពច្បាស់លាស់មួយចំនួនត្រូវបានកត់សម្គាល់ ប៉ុន្តែនៅតែមានបញ្ហាជំពាក់ជំពិនមួយចំនួន ហើយក្រុមចរចាកំពុងធ្វើការ ២៤/៧ ដើម្បីខិតខំដោះស្រាយបញ្ហានេះ។ ក្នុងពេលជាមួយគ្នានោះ លោក Kevin Hern សមាជិកសភាជាន់ទាប បាននិយាយថា កិច្ចព្រមព្រៀងអំពីពិដានបំណុលអាចសម្រេចបាននៅរសៀលថ្ងៃទី ២៦ ឧសភា។ ប្រការនេះ នឹងជួយជៀសផុតពីហានិភ័យនៃក្ស័យធន ដែលនឹងបង្កឡើងភាពចលាចលដល់ទីផ្សារ ហិរញ្ញវត្ថុសកល ហើយនឹងរុញច្រានសហរដ្ឋអាមេរិកធ្លាក់ក្នុងវិបត្តិសេដ្ឋកិច្ច៕
តាម vovworld.vn
Type the code from the image