Dak Glong ខិតខំកាត់បន្ថយភាពក្រីក្រក្នុងចំណោមជនជាតិភាគតិច
កប.អនឡាញ - អនុវត្តកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ ដំណាក់កាលឆ្នាំ ២០២១-២០៣០ ដំណាក់កាលទី ១ ពីឆ្នាំ ២០២១ ដល់ឆ្នាំ ២០២៥ (កម្មវិធី ១៧១៩) ស្រុក Dak Glong (Dak Nong) ទទួលបានលទ្ធផលវិជ្ជមានជាច្រើន រួមចំណែកដល់ការកាត់បន្ថយភាពក្រីក្រក្នុងចំណោមជនជាតិភាគតិច។ អ្នកយកព័ត៌មាននៃកាសែតកងទ័ពប្រជាជនបានជួបសម្ភាសន៍ជាមួយលោក Tran Nam Thuan ប្រធានគណៈកម្មការប្រជាជនស្រុក Dak Glong អំពីខ្លឹមសារនេះ។
អ្នកយកព័ត៌មាន (PV)៖ សូមលោកឲ្យដឹងថា តើខេត្ត Dak Glong សម្រេចបានលទ្ធផលអ្វីខ្លះក្នុងការអនុវត្តកម្មវិធី ១៧១៩?
ក្នុងរយៈពេលកន្លងមក ស្រុកបានដឹកនាំ ណែនាំនិងយកចិត្តទុកដាក់យ៉ាងខ្លាំងលើការអនុវត្តគម្រោងទាំង ១០ ក្រោមកម្មវិធី ១៩៧៩ ហើយទទួលបានលទ្ធផលវិជ្ជមានមួយចំនួន ជាពិសេស៖ ស្រុកតែងតែមានភាពសកម្មក្នុងការបញ្ចេញទុន ផ្តល់ដីលំនៅដ្ឋានជូនប្រជាពលរដ្ឋចំនួន ៣២ គ្រួសារ សាងសង់ផ្ទះជូន ៥៨ គ្រួសារ និងផ្តល់ទឹកប្រើប្រាស់ជូន ១៥៥ គ្រួសារ។ វិនិយោគលើការសាងសង់គម្រោងចំនួន ២៤ (រួមមានផ្លូវថ្នល់ សាលារៀន ថ្នាក់រៀន អគាវប្បធម៌ឃុំ និងប្រព័ន្ធប្រឡាយទឹក)
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/24/upload_2114/5 1.jpg?dpi=150&quality=100&w=500) |
លោក Tran Nam Thuan ប្រធានគណៈកម្មការប្រជាជនស្រុក Dak Glong |
អ្នកយកព័ត៌មាន៖ សូមលោកឲ្យដឹងថា តើក្នុងដំណើរការអនុវត្តកម្មវិធី ១៧១៩ ក៏ដូចជាក្នុងដំណើរកាត់បន្ថយភាពក្រីក្រនៅតំបន់ជនជាតិភាគតិច កងទ័ពដែលឈរជើងនៅតំបន់បានចូលរួម និងរួមចំណែកយ៉ាងដូចម្តេច?
លោក Tran Nam Thuan៖ អង្គភាពយោធាដូចជា៖ កងវរសេនាធំលេខ ៩៩៤ (បញ្ជាការដ្ឋានយោធាខេត្ត Dak Nong) អង្គភាពការពារសេដ្ឋកិច្ច Quang Son (ក្រុមហ៊ុនកាហ្វេលេខ១៥) ឈរនៅឃុំ Quang Son ស្រុក Dak Glong តែងតែជាកម្លាំងនាំមុខគេក្នុងការចូលរួមក្នុងកម្មវិធី និងគោលដៅ។ ការអនុវត្តគំរូ និងរបៀបធ្វើល្អៗជាច្រើន ដោយណែនាំប្រជាជនអំពីបច្ចេកទេសថែទាំដំណាំ និងសត្វយ៉ាងយកចិត្តទុកដាក់។ កិច្ចសហប្រតិបត្តិការរបស់អង្គភាពទ័ពបានរួមចំណែកកាត់បន្ថយ ៥-៧% គ្រួសារក្រីក្រក្នុងមួយឆ្នាំៗ រួមទាំងតំបន់ជនជាតិភាគតិចថយចុះ ៦%។ នៅឆ្នាំ ២០២៣ អត្រាគ្រួសារក្រីក្រនឹងថយចុះ ១២.២៤% ហើយអត្រាគ្រួសារក្រីក្រជនជាតិភាគតិចថយចុះ ២១.១៦% ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/24/upload_2114/6.jpg?dpi=150&quality=100&w=500) |
កងទ័ពណែនាំបងប្អូនជនជាតិភាគតិចនៅឃុំ Quang Son ថែទាំដំណាំកាហ្វេ |
អ្នកយកព័ត៌មាន៖ តើក្នុងការឆ្ពោះទៅរកគោលដៅចេញផុតពីស្រុកក្រីក្រ នាពេលខាងមុខ ស្រុក Dak Glong នឹងផ្តោតលើការអនុវត្តវិធានការណាខ្លះ ?
លោក Tran Nam Thuan ៖ អំពីដំណោះស្រាយ យើងកំណត់ថានឹងបន្តជំរុញការឃោសនា និងចលនាប្រជាជន លើកកម្ពស់កម្លាំងផ្ទៃក្នុង ឆន្ទៈខ្លួនទីពឹងខ្លួន និងស្មារតីខិតខំប្រឹងប្រែងក្នុងការអភិវឌ្ឍសេដ្ឋកិច្ចសង្គម និងការកាត់បន្ថយភាពក្រីក្រប្រកបដោយចីរភាព។ អនុវត្តប្រកបដោយប្រសិទ្ធភាពនូវឯកសារណែនាំរបស់មជ្ឈិម គណៈកម្មាធិការបក្សខេត្ត Dak Nong និងគណៈកម្មាធិការបក្សស្រុក Dak Glong លើកម្មវិធីគោលដៅជាតិរយៈពេល ២០២១-២០២៥។ ប្រមូលផ្តុំធនធានវិនិយោគដើម្បីជំរុញការបញ្ចប់គោលដៅអភិវឌ្ឍន៍សេដ្ឋកិច្ច-សង្គម ឆ្ពោះទៅរកគោលដៅនៃការអភិវឌ្ឍប្រកបដោយចីរភាព។ បង្កើនការដឹកនាំ ត្រួតពិនិត្យរបស់គណៈកម្មាធិការបក្ស និងអាជ្ញាធរគ្រប់លំដាប់ថ្នាក់ចំពោះការងារកាត់បន្ថយភាពក្រីក្រ។ បង្កើនសមត្ថភាពគ្រប់គ្រងរដ្ឋ បង្កើតផែនការជាក់លាក់ ដើម្បីអនុវត្តការកាត់បន្ថយភាពក្រីក្រយ៉ាងឆាប់រហ័ស និងប្រកបដោយនិរន្តរភាព ដែលសមស្របទៅនឹងលក្ខខណ្ឌជាក់ស្តែងមូលដ្ឋានជាក់លាក់។ ជួយគាំទ្រ និងបង្កើតលក្ខខណ្ឌអំណោយផលសម្រាប់ជនក្រីក្រក្នុងការខ្ចីដើមទុន ដើម្បីអភិវឌ្ឍផលិតកម្ម ផ្តល់ការបណ្តុះបណ្តាលវិជ្ជាជីវៈ និងបង្កើតការងារមានស្ថិរភាព ដើម្បីបង្កើនប្រាក់ចំណូល។ អនុវត្តកម្មវិធី និងគោលនយោបាយសង្គម បង្កើនឱកាសក្នុងការទទួលបានគោលនយោបាយ រួចផុតពីភាពក្រីក្រនៅក្នុងតំបន់ជនជាតិភាគតិច៕
បកប្រែដោយ Duy Hoan