អ៊ីនធឺណិតផ្កាយរណប Starlink ទទួលបានអាជ្ញាប័ណ្ណជាផ្លូវការនៅវៀតណាម
កប.អនឡាញ - នាយកដ្ឋានប្រេកង់វិទ្យុ (ក្រសួងវិទ្យាសាស្ត្រ និងបច្ចេកវិទ្យា) បានផ្តល់អាជ្ញាប័ណ្ណជាផ្លូវការ ដើម្បីប្រើប្រាស់ប្រេកង់វិទ្យុ និងឧបករណ៍ដល់ក្រុមហ៊ុន Starlink Services វៀតណាម។
យោងតាមព័ត៌មានពីនាយកដ្ឋានប្រេកង់វិទ្យុកាលពីថ្ងៃទី១៤ ខែកុម្ភៈ នៅក្នុងដំណាក់កាលដំបូង ក្រុមហ៊ុន Starlink Services វៀតណាមនឹងដាក់ពង្រាយស្ថានីយ៍ច្រកទ្វារចំនួន ៤ និងឧបករណ៍ស្ថានីយអតិបរមា ៦០០,០០០ គ្រឿងនៅវៀតណាម។ ការទទួលបានអាជ្ញាប័ណ្ណឱ្យប្រើប្រាស់ប្រេកង់មានន័យថាប្រព័ន្ធអាចដាក់ពង្រាយហេដ្ឋារចនាសម្ព័ន្ធបញ្ជូន និងទទួលរបស់ខ្លួន ស្របច្បាប់នៅវៀតណាម ដោយគោរពយ៉ាងពេញលេញនូវបទប្បញ្ញត្តិច្បាប់ទាំងអស់លើប្រេកង់វិទ្យុ និងធានាថា មិនមានការជ្រៀតជ្រែកជាមួយបណ្តាញព័ត៌មានវិទ្យុដែលមានស្រាប់។ ជាពិសេស អាជ្ញាប័ណ្ណលើកដំបូងនេះបញ្ជាក់ពីការផ្លាស់ប្តូរក្នុងការគិតគូរពីការគ្រប់គ្រង៖ ទាំងការពិនិត្យធនធានប្រេកង់យ៉ាងតឹងរ៉ឹង ធនធានជាតិមានកំណត់ផង និងបង្កើតលំហពិសោធន៍ដែលគ្រប់គ្រងសម្រាប់បច្ចេកវិទ្យាលោតផ្លោះផង។
Starlink គឺជាផែនការរបស់ SpaceX ក្នុងការគ្របដណ្តប់អ៊ីនធឺណិតនៅក្នុងតំបន់ដែលពិបាកទៅដល់។ នៅវៀតណាម SpaceX កំពុងសាកល្បងការវិនិយោគ និងអាជីវកម្មក្នុងសេវាកម្មទូរគមនាគមន៍ជាមួយនឹងហេដ្ឋារចនាសម្ព័ន្ធបណ្តាញ ដោយប្រើប្រាស់បច្ចេកវិទ្យាទូរគមនាគមន៍ផ្កាយ រណបជាមួយផ្កាយរណបគន្លងផែនដីទាប ខណៈពេលដែលធានាការការពារជាតិ និងសន្តិសុខ។
កម្មវិធីសាកល្បងសម្រាប់សេវាទូរគមនាគមន៍ដោយប្រើប្រាស់បច្ចេកវិទ្យាផ្កាយរណបគន្លងផែនដីទាបនឹងត្រូវបានអនុវត្តរយៈពេល ៥ ឆ្នាំ ដោយចាប់ផ្តើមពីថ្ងៃដែលសហគ្រាសដែលបង្កើតឡើងនៅក្នុងវៀតណាមត្រូវបានផ្តល់អាជ្ញាប័ណ្ណអាជីវកម្មសេវាទូរគមនាគមន៍ ហើយត្រូវតែបញ្ចប់មុនថ្ងៃទី ១ ខែមករា ឆ្នាំ ២០៣១។
SpaceX គឺជាសាជីវកម្មបច្ចេកវិទ្យារុករកអវកាស ដែលត្រូវបាន មហាសេដ្ឋីអាមេរិក Elon Musk បង្កើតឡើងក្នុងឆ្នាំ ២០០២ ដោយ និងមានទីស្នាក់ការនៅ Hawthorne រដ្ឋ California៕
បកប្រែដោយ Huyen Trang