វៀតណាម និងសិង្ហបុរី ចុះហត្ថលេខាលើអនុស្សរណៈនៃការយោគយល់គ្នាស្តីពីការពង្រឹងកិច្ចសហប្រតិបត្តិការលើទីផ្សារមូលបត្រ
កប.អនឡាញ - ផ្សារមូលបត្រវៀតណាម និងផ្សារមូលបត្រសិង្ហបុរី នៅថ្ងៃទី៥ ខែសីហា បានចុះហត្ថលេខាលើអនុស្សរណៈយោគយល់គ្នា ស្ដីពីការលើកកម្ពស់កិច្ចសហប្រតិបត្តិការលើវិស័យទីផ្សារមូលបត្រ។
ពិធីចុះហត្ថលេខានេះធ្វើឡើងនៅសិង្ហបុរីក្រោមវត្តមានរបស់លោក Ho Duc Phoc រដ្ឋមន្ត្រីក្រសួងហិរញ្ញវត្ថុវៀតណាម លោក Chee Hong Tat រដ្ឋមន្ត្រីទីពីរនៃក្រសួងហិរញ្ញវត្ថុសិង្ហបុរី និងលោក Mai Phuoc Dung ឯកអគ្គរដ្ឋទូតវៀតណាមប្រចាំនៅសិង្ហបុរី។
    |
 |
|
លោក Ho Duc Phoc ជួបពិភាក្សាការងារជាមួយលោក Chee Hong Tat (រូបថត៖ chinhphu.vn) |
យោងតាមអនុស្សរណៈនៃការយោគយល់គ្នា ភាគីទាំងពីរនឹងបង្កើនកិច្ចសហការ និងចែករំលែកបទពិសោធន៍លើសកម្មភាពតាមដានទីផ្សារ និងការត្រួតពិនិត្យសមាជិកនៅលើទីផ្សារមូលបត្រ និងទីផ្សារឧបករណ៍និស្សន្ទ។
ភាគីទាំងពីរក៏បានជំរុញការផ្លាស់ប្តូរលើរចនាសម្ព័ន្ធទីផ្សារមូលបត្ររបស់ប្រទេសនីមួយៗ រួមទាំងក្របខ័ណ្ឌច្បាប់សម្រាប់ការគ្រប់គ្រងទីផ្សារមូលបត្រ ព័ត៌មានអំពីទីផ្សារ និងសេវាផ្តល់ព័ត៌មាន។ល។ ទន្ទឹមនឹងនោះ ភាគីទាំងពីរនឹងជំរុញកិច្ចសហប្រតិបត្តិការក្នុងសកម្មភាពអភិបាលកិច្ចសាជីវកម្ម រួមទាំងការចែករំលែកបទពិសោធន៍ក្នុងការបង្កើតវិធានការអភិបាលកិច្ចសាជីវកម្ម៕
បកប្រែដោយ Thuy Anh