វៀតណាមទទួលសិទ្ធិជាម្ចាស់ផ្ទះនៃកិច្ចប្រជុំកំពូល P4G នៅឆ្នាំ២០២៥

កិច្ចប្រជុំកំពូល P4G លើកទី៣ ត្រូវបានរៀបចំឡើងដោយរដ្ឋាភិបាលកូឡុំប៊ី ដោយមានការចូលរួមពីប្រតិភូប្រមាណ ៥០០ នាក់មកពីប្រទេស និងអង្គការដៃគូ P4G ចំនួន១២។ ក្រោមប្រធានបទ៖ “ដៃគូផ្លាស់ប្តូរដើម្បីនិរន្តរភាព។  ធ្វើសកម្មភាពដើម្បីជីវភាពរស់នៅ និងកំណើនបៃតង”  កិច្ចប្រជុំបានផ្តោតលើប្រធានបទចំនួន៣៖ ជីវចម្រុះ ការផ្លាស់ប្តូរថាមពល និងទីក្រុងប្រកបដោយនិរន្តរភាព។

លោក Dang Quoc Khanh (ទីពីរពីឆ្វេង) ដឹកនាំគណៈប្រតិភូវៀតណាមចូលរួមកិច្ចប្រជុំ P4G លើកទី៣ នៅទីក្រុង Bogota ប្រទេសកូឡុំប៊ី (រូបថត៖ ក្រសួងធនធានធម្មជាតិ និងបរិស្ថាន)

ក្នុងកិច្ចប្រជុំនេះ វៀតណាមទទួលសិទ្ធិធ្វើជាម្ចាស់ផ្ទះកិច្ចប្រជុំកំពូល P4G លើកទី៤ នៅឆ្នាំ២០២៥។ ថ្លែងមតិក្នុងកិច្ចប្រជុំ លោក Dang Quoc Khanh បានថ្លែងអំណរគុណដល់សមាជិក P4G ដែលបានជឿជាក់និងគាំទ្រវៀតណាមក្នុងការធ្វើជាម្ចាស់ផ្ទះនៃកិច្ចប្រជុំកំពូល P4G នៅឆ្នាំ២០២៥។ លោករដ្ឋមន្ត្រីបានអះអាងថា វៀតណាមនឹងខិតខំប្រឹងប្រែងអស់ពីសមត្ថភាព និងរំពឹងថា ប្រទេសកូឡុំប៊ី និងប្រទេសដៃគូនឹងចែករំលែកបទពិសោធន៍ និងជួយគាំទ្រវៀតណាមក្នុងការរៀបចំកិច្ចប្រជុំនេះប្រកបដោយជោគជ័យ។ វៀតណាមនឹងជំរុញរបៀបវារៈនៃកិច្ចប្រជុំដែលស្របតាមអាទិភាពរបស់បណ្តាប្រទេស P4G ក៏ដូចជាការយកចិត្តទុកដាក់ជាសកល រួមមាន៖ ធានាសន្តិសុខស្បៀងដែលទាក់ទងនឹងការលុបបំបាត់ភាពអត់ឃ្លាន និងការកាត់បន្ថយភាពក្រីក្រ គ្រប់គ្រងនិងប្រើប្រាស់ធនធានទឹកឆ្លងដែនប្រកបដោយនិរន្តរភាព តាមដានផលប៉ះពាល់នៃការប្រែប្រួលអាកាសធាតុ។ល៕

បកប្រែដោយ Thuy Anh