បណ្ដាមូលដ្ឋានរបស់វៀតណាមផ្សព្វផ្សាយសក្តានុពលសហប្រតិបត្តិការនៅកូរ៉េខាងត្បូង

ប្រតិភូប្រគល់វត្ថុអនុស្សាវរីយ៍

វេទិកានេះបានទាក់ទាញប្រតិភូជាង  ១០០ នាក់ ដែលជាថ្នាក់ដឹកនាំមូលនិធិវិនិយោគ  សាជីវកម្ម និងអង្គភាព​អាជីវកម្មរបស់កូរ៉េខាងត្បូង ក្នុងវិស័យធនាគារ និងហិរញ្ញវត្ថុ ថាមពលបៃតង ឧស្សាហកម្មបៃតង សំណង់ និងការអភិវឌ្ឍទីក្រុង ទីផ្សារឆ្លាតវៃ...។ វេទិកានេះស្ថិតនៅក្នុងក្របខ័ណ្ឌនៃកម្មវិធីផ្សព្វផ្សាយសក្តានុពលនៃបណ្ដាមូលដ្ឋានរបស់វៀតណាមនៅកូរ៉េខាងត្បូងដែលនឹងប្រព្រឹត្តទៅចាប់ពីថ្ងៃទី ២៩ ឧសភា ដល់ថ្ងៃទី ១ មិថុនា ក្នុងគោលបំណងជំរុញកិច្ចសហប្រតិបត្តិការមិត្តភាព និងការតភ្ជាប់រវាងបណ្ដាមូលដ្ឋានរបស់វៀតណាមជាមួយអាជ្ញាធរមូលដ្ឋាន  និងអាជីវកម្មរបស់កូរ៉េខាងត្បូង។

ទិដ្ឋភាពនៃពិធីចុះហត្ថលេខារវាង VKBIA និងបណ្ដាមូលដ្ឋានរបស់វៀតណាម

ក្នុងឱកាសនេះ ថ្នាក់ដឹកនាំខេត្ត-ក្រុងរបស់វៀតណាមបានឧទ្ទេសនាមអំពីសក្ដានុពល ប្រៀបខ្លាំង និងទិសដៅអភិវឌ្ឍន៍សេដ្ឋកិច្ចសង្គមនៃបណ្ដាមូលដ្ឋានរបស់ខ្លួន; ព្រមទាំងមានបំណងថា ដៃគូកូរ៉េខាងត្បូងនឹងបន្តកិច្ចសហប្រតិបត្តិការលើការជំរុញការវិនិយោគលើវិស័យផ្សេងៗគ្នាជាច្រើន ស្របតាមតម្រូវការ និងប្រៀបខ្លាំងនៃបណ្ដាមូលដ្ឋាន៕

បកប្រែដោយ Pham Diep