វៀតណាម-កូរ៉េខាងត្បូង ជំរុញការអភិវឌ្ឍឧស្សាហកម្មបៃតង និងការដឹកជញ្ជូនឆ្លាតវៃ
កប.អនឡាញ - នារសៀលថ្ងៃទី ២៨ មិនា នៅប្រទេសកូរ៉េខាងត្បូង សមាគមធុរកិច្ច និងវិនិយោគវៀតណាម-កូរ៉េខាងត្បូង (VKBIA) និងសហភាពដឹកជញ្ជូនបៃតងវៀតណាម-កូរ៉េខាងត្បូង (VKERC) បានសម្របសម្រួលជាមួយការិយាល័យសមាជិកសភាកូរ៉េខាងត្បូងរៀបចំវេទិកាឧស្សាហកម្មបៃតង និងការដឹកជញ្ជូនឆ្លាតវៃវៀតណាម កូរ៉េខាងត្បូង រួបរួមគ្នាអភិវឌ្ឍទីផ្សារអាស៊ាន”។
វេទិកានេះមានការចូលរួមពីតំណាងទីភ្នាក់ងាររដ្ឋាភិបាលកូរ៉េខាងត្បូងទាំង៦ សមាជិកសភា អ្នកដឹកនាំធុរកិច្ចកូរ៉េខាងត្បូងជាង៣០នាក់ដែលទាក់ទងនឹងឧស្សាហកម្មបៃតង និងការដឹកជញ្ជូនឆ្លាតវៃ។
ក្នុងវេទិកានេះ លោកបណ្ឌិត Tran Hai Linh ប្រធាន VKBIA បានណែនាំអំពីសក្តានុពលនៃកិច្ចសហប្រតិបត្តិការរវាងដៃគូវៀតណាម និងកូរ៉េខាងត្បូងក្នុងវិស័យឧស្សាហកម្មបៃតង និងឧស្សាហកម្មបន្ទាប់បន្សំ។ យោងតាមលោក Kim Jong Bae ប្រធាន VKERC មានឧបសគ្គជាច្រើននៅពេលប្តូរទៅជាមធ្យោបាយដឹកជញ្ជូនដែលបញ្ចេញកាបូនទាបនៅអាស៊ីដូចជា៖ ភាពជឿជាក់នៃបច្ចេកវិទ្យា គុណភាពផលិតផលនៃឧស្សាហកម្មបន្ទាប់បន្សំសម្រាប់ឧស្សាហកម្មបៃតង ការចំណាយដំបូងគឺខ្ពស់... ដូច្នេះកិច្ចសហប្រតិបត្តិការរវាងប្រទេសនានាគឺចាំបាច់ដើម្បីដោះស្រាយឧបសគ្គទាំងនេះ៕
បកប្រែដោយ Duy Hoan