លោកឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេសវៀតណាម ប្រធានអនុគណៈកម្មការវៀតណាម សហប្រធានគណៈកម្មាធិការសម្របសម្រួលអន្តររដ្ឋាភិបាលស្តីពីមជ្ឈមណ្ឌលត្រូពិកវៀតណាម-រុស្ស៊ី និងលោក Mogilevskiy Konstantin Ilich អនុរដ្ឋមន្ត្រីក្រសួងវិទ្យាសាស្ត្រ និងអប់រំឧត្តមសិក្សាសហព័ន្ធរុស្ស៊ី ប្រធានអនុគណៈកម្មការរុស្ស៊ី សហប្រធានគណៈកម្មាធិការសម្របសម្រួលអន្តររដ្ឋាភិបាលនៃមជ្ឈមណ្ឌលត្រូពិចវៀតណាម-រុស្ស៊ី បានអញ្ជើញ​ជាសាក្សីក្នុងពិធីនេះ។

leftcenterrightdel
លោកឧត្តមសេនីយ៍ឯក Hoang Xuan Chien និងប្រតិភូចូលរួមពិធីប្រគល់នាវាស្រាវជ្រាវវិទ្យាសាស្ត្រ "សាស្រ្តាចារ្យ Gagarinsky"

លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា ពិធីប្រគល់នាវាស្រាវជ្រាវវិទ្យាសាស្ត្រ “សាស្ត្រាចារ្យ Gagarinsky” មានអត្ថន័យដ៏សំខាន់ ដែលប្រព្រឹត្តទៅភ្លាមៗបន្ទាប់ពីដំណើរទស្សនកិច្ចជាផ្លូវការនៅសហព័ន្ធរុស្ស៊ីរបស់លោក To Lam អគ្គលេខាបក្សកុម្មុយនិស្ដវៀតណាម រួមចំណែកអនុវត្តជាក់ស្តែង​នូវ​ទស្សនៈរួមរបស់ថ្នាក់ដឹកនាំនៃប្រទេសទាំងពីរក្នុងការបន្តជំរុញទំនាក់ទំនងសហប្រតិបត្តិការទ្វេភាគីនិយាយរួម ក៏​ដូច​ជា​សន្យាបន្តគាំទ្រចំពោះប្រតិបត្តិការ និង​លើកកំពស់សក្តានុពលនៃមជ្ឈមណ្ឌលត្រូពិចវៀតណាម-រុស្ស៊ីផងដែរ។ លោកឧត្តមសេនីយ៍ឯក Hoang Xuan Chien បានថ្លែងអំណរគុណយ៉ាងស្មោះស្ម័គ្រចំពោះរដ្ឋាភិបាលនៃសហព័ន្ធរុស្ស៊ី និងក្រសួងវិទ្យាសាស្ត្រ និងអប់រំឧត្តមសិក្សាសហព័ន្ធរុស្ស៊ី ដែលបានជឿទុកចិត្ត និងប្រគល់នាវា "សាស្រ្តាចារ្យ Gagarinsky" ដល់ប្រទេសវៀតណាម។ នេះគឺជានិមិត្តរូបថ្មីនៃកិច្ចសហប្រតិបត្តិការវៀតណាម-រុស្ស៊ី និងជាផ្ទះរួមនៅលើសមុទ្រសម្រាប់អ្នកវិទ្យាសាស្ត្រនៃប្រទេសទាំងពីរ រួមចំណែកធ្វើឱ្យស៊ីជម្រៅថែមទៀតនូវទំនាក់ទំនងប្រពៃណីល្អ និងភាពជាដៃគូយុទ្ធសាស្ត្រគ្រប់ជ្រុងជ្រោយ វៀតណាម-រុស្ស៊ី។ អំណោយនេះមិនត្រឹមតែជានិមិត្តរូបនៃចំណងមិត្តភាពប៉ុណ្ណោះទេ ថែមទាំងជាកម្លាំងចិត្តសម្រាប់អ្នកវិទ្យាសាស្ត្រនៃប្រទេសទាំងពីរ ឲ្យ​បន្តមាន​ការ​រួម​វិភាគទានទាំង​កម្លាំង​កាយ​ចិត្ត​ច្រើន​ថែម​ទៀត​ ដើម្បីផលប្រយោជន៍របស់ភាគីទាំងពីរ៕

បកប្រែដោយ Huyen Trang