កិច្ចសហប្រតិបត្តិការលើវិស័យការពារជាតិវៀតណាម-រុស្ស៊ី ត្រូវបានអនុវត្តប្រកបដោយប្រសិទ្ធភាព

លោកឧត្តមសេនីយ៍ឯក Nguyen Truong Thang បានអបអរសាទរចំពោះលោកវរសេនីយ៍ឯក Belosludtsev Sergey Vladimirovich ដែលត្រូវបានតែងតាំងជាអនុព័ន្ធយោធានៃសហព័ន្ធរុស្ស៊ីនៅវៀតណាម ព្រមទាំងជឿជាក់ថាលោកវរសេនីយ៍ឯក Belosludtsev Sergey Vladimirovich នឹងរួមចំណែកប្រកបដោយប្រសិទ្ធភាពដល់ទំនាក់ទំនងសហប្រតិបត្តិការលើវិស័យការពារជាតិរវាងប្រទេសទាំងពីរ។ លោកឧត្តមសេនីយ៍ឯក Nguyen Truong Thang បានសង្កត់ធ្ងន់ថា ក្នុងរយៈពេលកន្លងមក ទំនាក់ទំនងសហប្រតិបត្តិការលើវិស័យការពារជាតិ វៀតណាម-រុស្ស៊ី ត្រូវបានអនុវត្តប្រកបដោយប្រសិទ្ធភាពដោយភាគីទាំងពីរ និងសម្រេចបានលទ្ធផលសំខាន់ៗជាច្រើនលើវិស័យផ្សេងៗ ជាពិសេសគឺ៖ ការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសថ្នាក់ជាន់ខ្ពស់; រក្សាប្រកបដោយប្រសិទ្ធភាពនូវយន្តការសហប្រតិបត្តិការ ដូចជាកិច្ចសន្ទនាយុទ្ធសាស្ត្រការពារជាតិថ្នាក់អនុរដ្ឋមន្ត្រី; កិច្ចសហប្រតិបត្តិការរវាងកងទ័ព អង្គភាពទ័ព ស្ថាប័ន អង្គភាព វិទ្យាស្ថាន សាលារៀន កិច្ចសហប្រតិបត្តិការលើការស្រាវជ្រាវវិទ្យាសាស្ត្រ និងបច្ចេកវិទ្យាក្នុងក្របខ័ណ្ឌនៃមជ្ឈមណ្ឌលត្រូពិចវៀតណាម-រុស្ស៊ី; សម្របសម្រួលនៅយន្តការ និងវេទិកាពហុភាគីអន្តរជាតិស្តីពីការពារជាតិ។

លោកឧត្តមសេនីយ៍ឯក Nguyen Truong Thang ទទួលជួបលោកវរសេនីយ៍ឯក Belosludtsev Sergey Vladimirovich

នាពេលខាងមុខ ដោយផ្អែកលើឯកសារដែលបានចុះហត្ថលេខា លោកឧត្តមសេនីយ៍ឯក Nguyen Truong Thang បានស្នើឲ្យលោកវរសេនីយ៍ឯក Belosludtsev Sergey Vladimirovich បន្តសម្របសម្រួលប្រកបដោយប្រសិទ្ធភាពជាមួយនាយកដ្ឋានការបរទេស និងស្ថាប័ន អង្គភាពនានានៃក្រសួងការពារប្រទេសវៀតណាម ដើម្បីអនុវត្តខ្លឹមសារសហប្រតិបត្តិការដែលបានព្រមព្រៀងគ្នា។ លោកឧត្តមសេនីយ៍ឯក Nguyen Truong Thang បានអះអាងថា ក្រសួងការពារប្រទេសវៀតណាមនឹងបង្កើតលក្ខខណ្ឌអំណោយផលសម្រាប់លោកវរសេនីយ៍ឯក Belosludtsev Sergey Vladimirovich បំពេញបេសកកម្មរបស់ខ្លួនប្រកបដោយជោគជ័យ។

លោកឧត្តមសេនីយ៍ឯក Nguyen Truong Thang រួមជាមួយលោកវរសេនីយ៍ឯក Belosludtsev Sergey Vladimirovich និងប្រតិភូនៅក្នុងជំនួប

រីឯលោកវរសេនីយ៍ឯក Belosludtsev Sergey Vladimirovich បានសម្តែងនូវកិត្តិយសដែលបំពេញបេសកកម្មជាអនុព័ន្ធយោធានៃសហព័ន្ធរុស្ស៊ីនៅវៀតណាម។ លោកវរសេនីយ៍ឯក Belosludtsev Sergey Vladimirovich បានសម្តែងនូវការកោតសរសើរចំពោះប្រពៃណីប្រវត្តិសាស្ត្រដ៏រុងរឿងរបស់ប្រជាជាតិវៀតណាម ព្រមទាំងវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការលើវិស័យការពារជាតិទ្វេភាគី។ លោកវរសេនីយ៍ឯក Belosludtsev Sergey Vladimirovich បានអះអាងថា ក្នុងតួនាទីរបស់ខ្លួន លោកនឹងខិតខំប្រឹងប្រែងឱ្យអស់ពីសមត្ថភាព ដើម្បីរួមចំណែកជំរុញទំនាក់ទំនងសហប្រតិបត្តិការលើវិស័យការពារជាតិរវាងរុស្ស៊ី និងវៀតណាម៕

បកប្រែដោយ Huyen Trang