កិច្ចប្រជុំប្រគល់ការងាររវាងក្រុមទ័ពជាងលេខ ៣ និងលេខ ៤ របស់វៀតណាម នៅស្ថានបេសកកម្ម UNISFA

នៅក្នុងកិច្ចប្រជុំ តំណាងក្រុមទ័ពជាងលេខ ៣ និងក្រុមវិស្វកម្មលេខ ៤ បានអនុម័តលើកំណត់ហេតុប្រគល់ ដោយធានាបាននូវភាពទូលំទូលាយ និងអនុលោមតាមបទប្បញ្ញត្តិ។

ការប្រគល់ និងទទួលសម្ភារៈ យានជំនិះ និងឧបករណ៍ពីក្រុមវិស្វកម្មលេខ ៣

តំណាងក្រុមទ័ពជាងលេខ ៣ លោកវរសេនីយ៍ទោ Le Hong Quan ក្នុងនាមគណៈកម្មាធិការបក្ស មេបញ្ជាការក្រុមទ័ពជាងលេខ ៣  បានចែករំលែកបទពិសោធន៍ជាក់ស្តែង ដ៏មានតម្លៃ និងការលំបាកជាច្រើនក្នុង ១ ឆ្នាំ បំពេញបេសកកម្មនៅតំបន់នោះ ដោយបន្សល់ទុកនូវចំណាប់អារម្មណ៍យ៉ាងខ្លាំងអំពីស្មារតីទទួលខុសត្រូវរបស់កងទ័ពលោក អ៊ំ ហូ។

តំណាងអង្គភាពទទួល លោកវរសេនីយ៍ទោ Trinh Van Cuong ប្រធានក្រុមទ័ពជាងលេខ ៤ បានសម្តែងការប្តេជ្ញាចិត្តថា៖ យើងខ្ញុំបានទទួលការផ្សព្វផ្សាយយ៉ាងហ្មត់ចត់អំពីបទប្បញ្ញត្តិរបស់អង្គការសហប្រជាជាតិ ស្ថានបេសកកម្ម ជាពិសេសបទពិសោធន៍ដ៏មានតម្លៃពីក្រុមទ័ពជាងលេខ៣។ កម្មាភិបាល និងបុគ្គលិកទាំងអស់ប្ដេជ្ញាជំនះពុះពាររាល់ការលំបាក បន្តមរតក និងពង្រីកប្រពៃណី លើកកម្ពស់ស្មារតីទទួលខុសត្រូវ ខិតខំប្រឹងប្រែងបំពេញភារកិច្ចដែលត្រូវបានប្រគល់ជូនប្រកបដោយជោគជ័យ និងលើកតម្កើងរូបភាពរបស់កងទ័ពមួកខៀវវៀតណាម។

តាងនាមអង្គភាពទាំងពីរ មេបញ្ជាការនៃក្រុមទាំងពីរ ចុះហត្ថលេខាលើកំណត់ហេតុប្រគល់

នៅក្នុងកិច្ចប្រជុំ តាងនាមអង្គភាពទាំងពីរ មេបញ្ជាការក្រុមទាំងពីរបានចុះហត្ថលេខាលើកំណត់ហេតុប្រគល់ភារកិច្ច និងធ្វើពិធីផ្ទេរត្រា បង្កើតព្រឹត្តិការណ៍សំខាន់មួយក្នុងដំណើរការផ្ទេរភារកិច្ចរវាងក្រុមទ័ពជាងលេខ ៣ និងក្រុមទ័ពជាងលេខ ៤។

ពិធីប្រគល់ភារកិច្ចលើកនេះបានអះអាងជាថ្មីម្តងទៀតនូវកិច្ចសន្យាយ៉ាងមុតមាំរបស់វៀតណាមចំពោះប្រតិបត្តិការរក្សាសន្តិភាពរបស់អង្គការសហប្រជាជាតិ។ ការបង្វិលកងកម្លាំងប្រកបដោយវិជ្ជាជីវៈមិនត្រឹមតែធានាបាននូវការបន្តការងាររបស់ស្ថានបេសកកម្ម UNISFA ប៉ុណ្ណោះទេ ថែមទាំងបង្ហាញពីតួនាទីនៃការរៀបចំ និងប្រតិបត្តិការរបស់អង្គភាពដែលចូលរួមក្នុងបេសកកម្មអន្តរជាតិរបស់នាយកដ្ឋានរក្សាសន្តិភាពវៀតណាមទៀតផង៕

បកប្រែដោយ Huyen Trang