កម្មវិធីផ្លាស់ប្តូរនាយទាហានវ័យក្មេងគឺជាចំណុចភ្លឺនៃកិច្ចសហប្រតិបត្តិការលើវិស័យការពារជាតិវៀតណាម-សិង្ហបុរី

លោកឧត្តមសេនីយ៍ត្រី Nguyen Van Nam អនុប្រធាននយោបាយនៃបណ្ឌិតសភាពេទ្យយោធាវៀតណាមបានសង្កត់ធ្ងន់ថា នៅប៉ុន្មានឆ្នាំមកនេះ ទំនាក់ទំនងសហប្រតិបត្តិការលើវិស័យការពារជាតិវៀតណាម-សិង្ហបុរីត្រូវបានអភិវឌ្ឍដោយឥតឈប់ឈរ ដែលក្នុងនោះការផ្លាស់ប្ដូរនាយទាហានវ័យក្មេងបង្ហាញពីការជឿទុកចិត្ត ភាពជិតស្និទ្ធ និងឆ្ពោះទៅអនាគត ហើយជាស្ពានដ៏សំខាន់សម្រាប់នាយទាហានវ័យក្មេង មានឱកាសស្វែងយល់អំពីវប្បធម៌ មនុស្ស និងសកម្មភាពនៃកងទ័ពរបស់ប្រទេសនីមួយៗ។

លោកឧត្តមសេនីយ៍ត្រី Nguyen Van Nam ប្រគល់វត្ថុអនុស្សាវរីយ៍ជូនលោកវរនាវីទោ Koh Zhi Chao

លោកឧត្តមសេនីយ៍ត្រី Nguyen Van Nam បានសម្តែងនូវជំនឿថា ដំណើរទស្សនកិច្ចរបស់គណៈប្រតិភូនៅបណ្ឌិតសភាពេទ្យយោធា ជាឱកាសសម្រាប់នាយទាហានវ័យក្មេងនៃភាគីទាំងពីរផ្លាស់ប្តូរបទពិសោធន៍ និងលើកកម្ពស់ការយោគយល់គ្នាទៅវិញទៅមក តាមរយៈនោះ រួមចំណែកពង្រឹង និងអភិវឌ្ឍទំនាក់ទំនងមិត្តភាព និងកិច្ចសហប្រតិបត្តិការរវាងកងទ័ពវៀតណាម និងកងទ័ពសិង្ហបុរី៕

បកប្រែដោយ Thuy Anh