រឿងនៅក្នុងភូមិ៖ ប្រយ័ត្នកុំឱ្យចាញ់បោកគេ
កប.អនឡាញ - ពេញមួយសប្តាហ៍នេះ លោកស្រី Phong មិនលាក់បាននូវអារម្មណ៍រីករាយក្នុងចិត្ត។ មិនត្រឹមតែលោកស្រីប៉ុណ្ណោះទេ ដែលមានមនុស្សចាស់នៅក្នុងភូមិដែរ ពួកគាត់សប្បាយចិត្តណាស់ ហើយគ្រប់ទីកន្លែងក៏មានពាក្យចចាមអារ៉ាម។ រឿងគឺគ្រប់គ្នានឹងបានទៅលេងកំសាន្ដ។ ដោយឮថា មានអាជីវកម្មមួយមកភូមិរៀបចំដំណើរកម្សាន្តទៅកាន់កន្លែងល្បីៗជាច្រើន។
ហើយសប្បាយជាងនេះទៅទៀតគឺដំណើរកម្សាន្តនេះត្រូវបានរៀបចំឡើងដោយឥតគិតថ្លៃសម្រាប់មនុស្សចាស់។ ដោយបានឮ ព័ត៌មាននោះ មនុស្សជាច្រើនបានចុះឈ្មោះចូលរួម។
លោកស្រី Phong បានចំណាយពេលពេញមួយសប្តាហ៍ដើម្បីត្រៀមរៀបចំ គាត់មិនបានទៅណាយូរមកហើយ។ មិនមែនដោយសារតែគ្រួសារក្រីក្រទេដែលដោយគាត់ពុលឡាន ដូច្នេះហើយគាត់មិនចង់ធ្វើដំណើរឆ្ងាយដោយឡានទេ។ ឆ្លៀតក្នុងឱកាសនេះ មនុស្សជាច្រើននៅក្នុងភូមិបានទៅជុំគ្នា ហើយបានស្តាប់តំណាងអាជីវកម្មលើកទឹកចិត្ដ ដូច្នេះហើយគាត់ក៏សម្រេចចិត្តនឹងធ្វើដំណើរកម្សាន្ត។ ពេលគាត់និយាយជាមួយក្រុមគ្រួសារ កូនគាត់សួរថា ៖
- ក្នុងគ្រាសេដ្ឋកិច្ចជួបការលំបាក បែរជាមានអាជីវកម្មអញ្ជើញទៅលេងកំសាន្ដដោយឥតគិតថ្លៃទេ?
- ឆា ម៉ែឮថា អាជីវកម្មជួយឧបត្ថម្ភមនុស្សចាស់ទៅលេងតំបន់ទេសចរណ៍ និងណែនាំអំពីខ្នាតអាជីវកម្មរបស់ក្រុមហ៊ុន។
ឮដូច្នេះ ប្តីរបស់គាត់បានចំអកភ្លាមៗថា៖
- បើមិនប្រយ័ត្ន គេលក់ទៅបរទេស!
- អូ សុទ្ធតែមុស្សចាស់ ជើងទន់ខ្សោយ ធ្មេញរលុងបែបនេះ ទោះបីឲ្យទៅគេក៏គ្មានអ្នកណាយកទេ។ ដើរលេងម្ដងឲ្យស្គាល់ទីនេះទីនោះ។
មកដល់ថ្ងៃទៅលេងកំសាន្ដ ឡាន ៣ គ្រឿង បានមកដល់ភូមិទាំងពីព្រលឹម។ លោកស្រី Phong និងមនុស្សចាស់ជាច្រើននៅក្នុងភូមិបាននាំគ្នាទៅលេងកំសាន្ដក្នុងក្ដីសប្បាយរីករាយយ៉ាងខ្លាំង សំឡេងសើចបានបន្លឺឡើង។ រថយន្តដឹកអ្នកទាំងអស់គ្នាទៅកន្លែងមួយចំនួនក្នុងខេត្តជិតខាង។ ជិតម៉ោងថ្ងៃត្រង់ ក្រុមបានឈប់សម្រាកនៅភោជនីយដ្ឋានមួយ ហើយអាហារថ្ងៃត្រង់ទាំងអស់ត្រូវបានផ្តល់ជូនដោយឥតគិតថ្លៃ។ បន្ទាប់ពីហូបបាយចប់ ស្រាប់តែបុគ្គលិកម្នាក់របស់អាជីវកម្មបានពិគ្រោះ សុខភាពនិងវិធានការបង្ការជំងឺចាស់ជរា។ ដើម្បីកែលម្អសុខភាព បុគ្គលិកនេះណែនាំប្រើផលិតផលទឹកដោះគោរបស់ក្រុមហ៊ុន។ ដូច្នោះហើយ ក្រុមហ៊ុននឹងបញ្ចុះតម្លៃ ហើយអ្នកដែលទិញច្រើនក៏នឹងទទួលបានអំណោយផងដែរ។
ដោយយល់ឃើញច្បាស់ពីផ្លូវចិត្ដមនុស្សចាស់ ទោះបីផលិតផលនីមួយៗមានតម្លៃប៉ុន្មានសែនដុងក៏ដោយ ប៉ុន្ដែពេលមានមនុស្សម្នាក់ទិញក៏អ្នកផ្សេងទិញដែរ អ្នកដែលមានលុយតិចក៏ខ្ចីពីអ្នកផ្សេងមានលុយច្រើនទិញផលិតផល។ ពេលរសៀលត្រឡប់មកភូមិវិញ លោកស្រី Phong យួរទឹកដោះគោជាច្រើនថង់ក្នុងដៃ។ ពេលចូលដល់ផ្ទះភ្លាម គាត់ប្រាប់កូនទាំងក្ដីរំភើបចិត្តថា៖
- គាត់ថា ពិតជាការចេញទៅក្រៅទើបស្គាល់បានច្រើន ហើយថែមទាំងមានទឹកដោះគោដើម្បីបង្កើនសុខភាព។
ឮម្តាយនិយាយបែបនេះ ភ្លាមៗកូនប្រុសក៏ឆែកមើលផលិតផលនោះរួចក៏ចូលទៅមើលព័ត៌មានតាមអ៊ីនធឺណេត រកមិនឃើញម៉ាកផលិតផលនោះទេ គ្រាន់តែឃើញការព្រមានទិញផលិតផលទឹកដោះគោក្លែងក្លាយ គ្មានគុណភាព និងល្បិចបោកប្រាស់ដោយ "ដំណើរទេសចរណ៍ឥតគិតថ្លៃ " ។ នៅពេលនេះ លោកស្រី Phong ទើបមើលឃើញថា គាត់បានទិញផលិតផលក្លែងក្លាយ។
ដោយយល់ឃើញផ្លូវចិត្ដមនុស្សចាស់ខ្លាចមានជំងឺ និងតំបន់ភ្នំកង្វះព័ត៌មាន អ្នកលក់ផលិតផលក្លែងក្លាយបានរៀបចំដំណើរទេសចរណ៍ "ឥតគិតថ្លៃ" ដើម្បីលក់ផលិតផលដែលមិនស្គាល់ប្រភពដើមក្នុងតម្លៃខ្ពស់។ លោកស្រី Phong មិនបានដឹងពីគុណភាពពិតនៃទឹកដោះនោះ គាត់បារម្ភថា បើគាត់ផឹកវានឹងកើតជំងឺ ដូច្នេះគាត់បានសម្រេចចិត្ដបោះចោលតែម្ដង។ គាត់ប្រាប់ខ្លួនឯងថា ចាប់ពីពេលនេះតទៅនឹងបង្កើនការប្រុងប្រយ័ត្នជាងមុន ហើយមិនរងការចាញ់បោកគេទៀតទេ…៕
បកប្រែដោយ Pham Diep