ឆ្ពោះទៅមូលដ្ឋាន ជួយប្រជាពលរដ្ឋយ៉ាងជាក់ស្តែង
កប.អនឡាញ - ឆ្ពោះទៅកាន់តំបន់ឆ្ងាយដាច់ស្រយាល តំបន់ដែលមានជនរួមជាតិភាគតិច និងអ្នកកាន់សាសនា នាពេលថ្មីៗនេះ យុទ្ធជននៃកងពលធំលេខ ៣១៦ នៃយោធភូមិភាគទី២ បានដាក់ពង្រាយយុទ្ធនាការចលនាមហាជនជាមួយការងារជាក់ស្តែងជាច្រើន ហើយបានបន្សល់ទុកនូវចំណាប់អារម្មណ៍ល្អៗដក់ជាប់ក្នុងចិត្តប្រជាពលរដ្ឋជានិច្ច។
ក្នុងកំដៅថ្ងៃនៃខែកក្កដា នៅលើភូមិសាស្រ្តនៃខេត្ត Phu Tho យើងខ្ញុំមានឱកាសបានរួមជាមួយយុទ្ធជន និងពលទាហាននៃកងវរសេនាធំលេខ៩៨ ចំណុះកងពលធំលេខ៣១៦ ចុះទៅសួរសុខទុក្ខ និងផ្តល់អំណោយជូនដល់បណ្តាគ្រួសារទទួលរបបគោលនយោបាយពីរដ្ឋ និងអ្នកដែលមានគុណចំពោះបដិវត្តន៍ ព្រមទាំងធ្វើការងារចលនាមហាជននៅឃុំ Minh Tien និង Hung Xuyen នៃស្រុក Doan Hung ថែមទៀត។
|
|
កម្មាភិបាល និងយុទ្ធជននៃកងវរសេនាធំលេខ ១៤៨ កងពលធំលេខ ៣១៦ ជួយប្រជាជននៅឃុំ Minh Huong (ស្រុក Ham Yen ខេត្ត Tuyen Quang) ជួសជុលផ្លូវជនបទ |
នៅភូមិលេខ២ ឃុំ Minh Tien កម្មាភិបាល និងយុទ្ធជននៃកងវរសេនាតូចលេខ ៩ កងវរសេនាធំលេខ៩៨ មិនថាអាកាសធាតុក្តៅនោះទេ ហើយបានខិតខំជួយប្រជាពលរដ្ឋជួសជុលផ្លូវអន្តរភូមិ។ លោកវរសេនីយ៍ឯកបំរុង Dong Van Hung អនុប្រធាននយោបាយនៃកងពលធំលេខ៣១៦ បានឲ្យដឹងថា៖ “លើកនេះ អង្គភាពបានប្រមូលកម្មាភិបាល យុទ្ធជនរាប់រយនាក់ ដើរធ្វើដំណើរទៅកាន់ខេត្តចំនួន ៣ គឺខេត្ត Phu Tho, Yen Bai និង Tuyen Quang ដើម្បីធ្វើការងារចលនាមហាជន។ ទីតាំងដែលអង្គភាពចុះមកគឺ ភូមិ ឃុំ ដែលមានអ្នកកាន់សាសនា និងតំបន់ដែលមានជនរួមជាតិភាគតិចច្រើន និងនៅតាមមូលដ្ឋាននានាដែលមានការលំបាកជាច្រើន។ ដោយស្មារតីជិតស្និទ្ធជាមួយប្រជាជន យល់ដឹងពីប្រជាជន និងជួយប្រជាជនដោយសកម្មភាពជាក់ស្តែងនានា កងពលធំលេខ ៣១៦ បានសហការយ៉ាងជិតស្និទ្ធជាមួយគណៈកម្មាធិការបក្ស និងអាជ្ញាធរមូលដ្ឋានដើម្បីរៀបចំការស៊ើបអង្កេត ការក្តាប់បានសភាពការណ៍ និងការអនុវត្តការងារយ៉ាងប្រសិទ្ធភាពប្រកបដោយលទ្ធផលផ្លែផ្កាបំផុត។
ក្នុងរយៈពេលពីរសប្តាហ៍នៃការអនុវត្តការងារចលនាមហាជននៅក្នុងខេត្តចំនួនបីគឺ Phu Tho, Yen Bai និង Tuyen Quang បណ្តាអង្គភាពចំណុះកងពលធំលេខ ៣១៦ បានចូលរួមយ៉ាងសកម្មក្នុងការជួសជុល ពង្រីកផ្លូវដែលមានប្រវែងជាង ១០ គីឡូម៉ែត្រ, ជីកប្រឡាយ ដាំផ្កានៅសងខាងផ្លូវអន្តរភូមិ ដែលមានប្រវែងជាង ៨ គីឡូម៉ែត្រ, ជួយសាលារៀនដើម្បីតុបតែងបរិវេណសាលា, ជួសជុលទីបញ្ចុះសពទុក្ករបុគ្គល, ផ្តល់អំណោយជាង ៤០ ដល់យុទ្ធជនពិការ យុទ្ធជនឈឺថ្កាត់ និងគ្រួសារគោលនយោបាយ… ក្រៅពីនេះ យុទ្ធជន នៃកងពលធំលេខ ៣១៦ ក៏រួមបញ្ចូលទាំងការឃោសនានូវច្បាប់ស្តីពីកាតព្វកិច្ចយោធាផង និងការឃោសនាឱ្យប្រជាជនកំណត់បានមុខសញ្ញា និងល្បិចកលរបស់កម្លាំងអរិភាពក្នុងទម្រង់ជាច្រើនដូចជាតាមរយៈប្រព័ន្ធវិទ្យុចល័ត ការជួបប្រជុំគ្នា ការឃោសនាផ្ទាល់នៅតាមបណ្តាគ្រួសារ ...
ការធ្វើដំណើរទ័ព និងធ្វើសកម្មភាពចលនាមហាជនរបស់កងពលធំលេខ៣១៦ បានរួមចំណែកជួយដល់មូលដ្ឋាននានាកសាងមូលដ្ឋាននយោបាយរឹងមាំ បំពេញនូវគ្រប់លក្ខណៈវិនិច្ឆ័យក្នុងការកសាងជនបទថ្មី ឃោសនា ធ្វើចលនាជនរួមជាតិឱ្យគោរពច្បាប់យ៉ាងម៉ឺងម៉ាត់ និងផ្លាស់ប្តូរការគិតជាជំហានៗ តាំងចិត្តលុបបំបាត់ភាពអត់ឃ្លាន និងកាត់បន្ថយភាពក្រីក្រ៕
បកប្រែដោយ Minh Trung