សំណួរនិងចម្លើយផ្នែកច្បាប់
តើការតែងតាំង ការបោះឆ្នោតជ្រើសតាំងដែលមានកត្ដាបរទេសត្រូវបានកំណត់យ៉ាងដូចម្តេច?
កប.អនឡាញ- មិត្តអ្នកអាន Vu Quang Duc នៅសង្កាត់ Dong Da ទីក្រុង Quy Nhon ខេត្ត Binh Dinh បានសួរថា៖ តើការតែងតាំង ការបោះឆ្នោតជ្រើសតាំងដែលមានកត្ដាបរទេសត្រូវបានកំណត់យ៉ាងដូចម្តេច?
ចម្លើយ៖ សំណួរដែលអ្នកសួរត្រូវបានកំណត់ក្នុងមាត្រាទី ៥១ នៃច្បាប់ស្តីពីជំនឿ និងសាសនាដូចតទៅ៖
១. ការតែងតាំង ការបោះឆ្នោតជ្រើសតាំងដែលមានកត្ដាបរទេសរួមមានករណីដូចខាងក្រោម៖
ក) អង្គការសាសនាវៀតណាមតែងតាំង ឬ បោះឆ្នោតជ្រើសតាំងជនបរទេសដែលកំពុងស្នាក់នៅស្របច្បាប់នៅវៀតណាម។
ខ) អង្គការសាសនាបរទេសតែងតាំង បោះឆ្នោតជ្រើសតាំងពលរដ្ឋវៀតណាមនៅវៀតណាម។
២. អ្នកដែលបានតែងតាំង និងបោះឆ្នោតជ្រើសតាំង មិនត្រូវចោទប្រកាន់តាមបញ្ញត្តិនៃច្បាប់នីតិវិធីព្រហ្មទណ្ឌ។ ជនបរទេសរស់នៅស្របច្បាប់ក្នុងប្រទេសវៀតណាម ដែលត្រូវបានស្នើឱ្យតែងតាំងត្រូវបំពេញគ្រប់លក្ខខណ្ឌដូចខាងក្រោម៖
ក) ទទួលបានការបណ្តុះបណ្តាលសាសនានៅគ្រឹះស្ថានបណ្តុះបណ្តាលសាសនានៅវៀតណាម។
ខ) គោរពតាមច្បាប់វៀតណាម។
|
|
រូបថតឧទាហរណ៍៖ binhphuong.gov.vn |
៣. ការតែងតាំង ការបោះឆ្នោតជ្រើសតាំងដែលមានកត្ដាបរទេសត្រូវបានកំណត់នៅប្រការទី ១ នៃមាត្រានេះត្រូវបានការយល់ព្រមមុនដោយទីភ្នាក់ងារគ្រប់គ្រងជំនឿនិងសាសនានៅថ្នាក់មជ្ឈិម។
៤. ចំពោះមុខសញ្ញាពលរដ្ឋវៀតណាមដែលត្រូវបានអង្គការសាសនាបរទេសនៅក្រៅប្រទេសតែងតាំងបោះឆ្នោតជ្រើសតាំងជាអ្នកមុខអ្នកការនៅពេលដែលត្រឡប់មកប្រទេសវៀតណាមវិញគឺអង្គការសាសនា ឬ អង្គការសាសនាក្រោមឱវាទត្រូវទទួលខុសត្រូវក្នុងការចុះបញ្ជីជាមួយទីភ្នាក់ងារគ្រប់គ្រងជំនឿនិងសាសនានៅថ្នាក់មជ្ឈិម។
៥. រដ្ឋាភិបាលកំណត់លំអិតអំពីបែបបទនិងនីតិវិធីសម្រាប់ការយល់ព្រម និងការចុះបញ្ជីការតែងតាំង ការបោះឆ្នោតជ្រើសតាំងដែលមានកត្ដាបរទេសចែងក្នុងមាត្រានេះ។
* មិត្តអ្នកអាន Vu Van Tuan នៅទីរួមស្រុក Xuan Hoa ស្រុក Ha Quang ខេត្ត Cao Bang បានសួរថា៖ ការជួយឧបត្ថម្ភបង្កើតគំរូលើកកំពស់ជីវភាពរស់នៅរបស់ប្រជាជននៅតាមភូមិរបស់ជនជាតិភាគតិចជួបការលំបាកត្រូវបានកំណត់យ៉ាងដូចម្ដេច?
ចម្លើយ៖ សំណួរដែលអ្នកសួរត្រូវបានចែងក្នុងមាត្រាទី ៤៥ នៃសារាចរលេខ 15/2022/TT-BTC របស់រដ្ឋមន្ត្រីក្រសួងហិរញ្ញវត្ថុដូចតទៅ៖
១. ការជួយឧបត្ថម្ភការបង្កើតគំរូលើកកំពស់ជីវភាពរស់នៅរបស់ប្រជាជននៅតាមភូមិស្របតាមទំនៀមទម្លាប់ និងតម្រូវការរបស់សហគមន៍ដែលត្រូវបានអនុម័តដោយសមត្ថកិច្ច៖ កម្រិតនៃការជួយឧបត្ថម្ភមិនលើសពី ៧០០ លានដុង/គំរូ/ដំណាក់កាល ២០២១-២០២៥។
២. ការបង្កើតនិងការគ្រប់គ្រងគំរូ៖ កម្រិតជួយឧបត្ថម្ភស្មើ ៥% នៃចំណាយសរុបសម្រាប់ការអនុវត្តគំរូ។
៣. ខ្លឹមសារ ទម្រង់និងការអនុវត្តគំរូតាមការណែនាំរបស់គណៈកម្មាធិការជនជាតិ៕
បកប្រែដោយ Pham Diep