វៀតណាម - អ៊ីស្រាអែលជំរុញកិច្ចសហប្រតិបត្តិការក្នុងការធ្វើអាជីវកម្មនិងការវិនិយោគ
កប.អនឡាញ - នាថ្ងៃទី ២៩ មិថុនា នៅទីក្រុង Tel Aviv ស្ថាប័នតំណាងពាណិជ្ជកម្មវៀតណាមនិងស្ថានទូតវៀតណាមប្រចាំនៅអ៊ីស្រាអែលបានសហការជាមួយវិទ្យាស្ថាននាំចេញអ៊ីស្រាអ៊ែល រៀបចំកិច្ចប្រជុំតុមូល ក្រោមប្រធានបទ “កាលានុវត្ដភាពសម្រាប់ការធ្វើអាជីវកម្មនិងការវិនិយោគនៅវៀតណាម”។ កិច្ចប្រជុំនេះបានទាក់ទាញការចូលរួមពីតំណាងក្រសួងសេដ្ឋកិច្ច - ឧស្សាហកម្មអ៊ីស្រាអែលនិងសហគ្រាសអ៊ីស្រាអែលជិត ៣០ ទៀតផង។
|
|
កិច្ចប្រជុំបានទាក់ទាញការចូលរួមពីតំណាងក្រសួងសេដ្ឋកិច្ច - ឧស្សាហកម្មអ៊ីស្រាអែលនិងសហគ្រាសអ៊ីស្រាអែលជិត ៣០ ( រូបថត៖ vnanet.vn) |
នៅឯកិច្ចប្រជុំ លោក Do Minh Hung ឯកអគ្គរដ្ឋទូតវៀតណាមប្រចាំនៅអ៊ីស្រាអែល បានឲ្យដឹងថា៖ វៀតណាមបានគ្រប់គ្រងការរីករាលដាលនៃជំងឺ Covid-19 ដោយជោគជ័យ ជាមួយគ្នានោះវៀតណាមកំពុងអនុវត្តគោលនយោបាយនិងវិធានការថ្មីៗជាច្រើនដើម្បីជំរុញការអភិវឌ្ឍសេដ្ឋកិច្ចនិងទាក់ទាញការវិនិយោគពីបរទេសក្រោយពីវៀតណាមគ្រប់គ្រងបានជំងឺ Covid-19 ។
ដោយមានទំហំទីផ្សារដ៏ធំទូលាយនិងចូលរួមយ៉ាងសកម្មក្នុងកិច្ចព្រមព្រៀងពាណិជ្ជកម្មសេរី (FTA) ពហុភាគី និងទ្វេភាគី។ វៀតណាមមានសក្តានុពលជាច្រើនដែរ ព្រមទាំងទំនាក់ទំនងរវាងវៀតណាមនិងអ៊ីស្រាអែលមានការរីកចម្រើនយ៉ាងល្អប្រសើរ និងភាគីទាំងពីរកំពុងចរចាកិច្ចព្រមព្រៀងពាណិជ្ជកម្មសេរីទ្វេភាគី។ លោកឯកអគ្គរដ្ឋទូត Do Minh Hung ស្វាគមន៍សហគ្រាសអ៊ីស្រាអែលចូលមកស្វែងរកឱកាសវិនិយោគនិងកិច្ចសហប្រតិបត្តិការជាមួយបណ្ដាដៃគូរបស់វៀតណាម៕
បកប្រែដោយ Pham Diep