យោធភូមិភាគទី ៥ ប្រគល់ផ្ទះក្នុង “យុទ្ធនាការ Quang Trung” ជូនប្រជាពលរដ្ឋនៅខេត្ត Dak Lak

ចាប់ពីថ្ងៃទី១ ខែធ្នូ ឆ្នាំ២០២៥ រហូតមកដល់បច្ចុប្បន្ន អង្គភាពនានានៃក្រសួងការពារប្រទេស យោធភូមិភាគទី៥ និងបញ្ជាការដ្ឋានយោធាខេត្ត Dak Lak បានចាត់បញ្ជូនកម្មាភិបាលនិងយុទ្ធជនសរុបចំនួន ៥,០០២ នាក់ និងមធ្យោបាយគ្រប់ប្រភេទជាច្រើនដើម្បីជួយប្រជាពលរដ្ឋសាងសង់ផ្ទះក្នុងអំឡុងពេល "យុទ្ធនាការ Quang Trung"។

កម្មាភិបាលនិងយុទ្ធជននៃស្ថាប័ននិងអង្គភាពនានាបានខិតខំប្រឹងប្រែងមិនថា  អាកាសធាតុដែលមានពន្លឺថ្ងៃ ឬ ភ្លៀងធ្លាក់ ធ្វើការទាំងយប់ទាំងថ្ងៃ រួមទាំងថ្ងៃឈប់សម្រាកនិងចុងសប្តាហ៍ រហូតមកដល់ពេលនេះ អង្គភាពនានាបានបញ្ចប់ការសាងសង់ និងប្រគល់ផ្ទះចំនួន ៣៣១ ខ្នង និងជួសជុលផ្ទះចំនួន ៩០ ខ្នង ព្រមទាំងជួសជុលហេដ្ឋារចនាសម្ព័ន្ធចរាចរណ៍ និងប្រព័ន្ធធារាសាស្ត្រៗល។ 

លោកឧត្តមសេនីយ៍ត្រី Tran Thanh Hai មេបញ្ជាការរងយោធភូមិភាគទី ៥ ថ្លែងក្នុងពិធី

យោធភូមិភាគទី ៥ ប្រគល់អំណោយជូនប្រជាពលរដ្ឋ

ថ្លែងនៅក្នុងពិធីនេះ លោកឧត្តមសេនីយ៍ត្រី Tran Thanh Hai មេបញ្ជាការរងយោធភូមិភាគទី ៥ បានបញ្ជាក់ថា ការសាងសង់និងប្រគល់ផ្ទះដល់គ្រួសារដែលរងផលប៉ះពាល់ដោយគ្រោះមហន្តរាយធម្មជាតិគឺជាការអនុវត្តគោលការណ៍របស់បក្ស និងរដ្ឋ ស្តីពីការដាក់ពង្រាយបន្ទាន់នូវ "យុទ្ធនាការ Quang Trung"។ យុទ្ធនាការនេះមិនត្រឹមតែមានសារៈសំខាន់មនុស្សធម៌យ៉ាងជ្រាលជ្រៅប៉ុណ្ណោះទេ ថែមទាំងបង្ហាញយ៉ាងច្បាស់អំពីសាមគ្គីភាព និងមនោសញ្ចេតនារបស់ប្រជាជាតិវៀតណាម។

អាជ្ញាធរមូលដ្ឋាន​ និងកងទ័ពអបអរសាទរប្រជាពលរដ្ឋ

នៅក្នុងពិធី លោក Tran Huu The អនុប្រធានអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្ត Dak Lak បានថ្លែងអំណរគុណយ៉ាងជ្រាលជ្រៅចំពោះការគាំទ្រដោយទាន់ពេលវេលា និងមានប្រសិទ្ធភាពរបស់យោធភូមិភាគទី ៥ ហើយលោកបញ្ជាក់ថា នេះជាទីពឹងបង្អែកដ៏សំខាន់ដែលជួយមូលដ្ឋានយកឈ្នះលើការលំបាក ពង្រឹងទំនុកចិត្តរបស់ប្រជាជនលើបក្ស រដ្ឋ និងកងទ័ព៕

បកប្រែដោយ Pham Diep