អង្គការសុខភាពពិភពលោក (WHO) ទទួលស្គាល់វឌ្ឍនភាពដ៏រឹងមាំក្នុងវិស័យសុខភាពសាធារណៈរបស់ប្រទេសវៀតណាមក្នុងឆ្នាំ ២០២៥

អ្នកជំងឺដែលកំពុងរង់ចាំទទួលថ្នាំធានារ៉ាប់រងសុខភាពនៅមន្ទីរពេទ្យទូទៅបាកលីវ (រូបថត៖ ទួនគៀត/TTXVN)

នៅក្នុងរបាយការណ៍មួយដែលបានចេញផ្សាយនៅលើគេហទំព័ររបស់ខ្លួន អង្គការសុខភាពពិភពលោក (WHO) ថ្មីៗនេះបានបញ្ជាក់ថា៖ ក្នុងក្របខ័ណ្ឌនៃកម្មវិធីកែទម្រង់ទូលំទូលាយរបស់ខ្លួនក្នុងឆ្នាំ ២០២៥ រដ្ឋាភិបាលវៀតណាមបានធ្វើការប្តេជ្ញាចិត្តយ៉ាងមុតមាំចំពោះការផ្លាស់ប្តូរនៅក្នុងវិស័យសុខាភិបាល និងកំណត់គោលដៅដ៏មហិច្ឆតាសម្រាប់វិស័យសុខាភិបាល។

មហិច្ឆតាទាំងនេះរួមមានការប្តេជ្ញាចិត្តក្នុងការផ្តល់ការថែទាំសុខភាពចាំបាច់ដោយឥតគិតថ្លៃនាពេលអនាគត ការផ្លាស់ប្តូរឌីជីថល វិធីសាស្រ្តពហុវិស័យចំពោះសន្តិសុខសុខភាព និងសុខភាពសាធារណៈ រួមទាំងបរិស្ថានល្អ និងការផ្តល់អាទិភាពដល់ការវិនិយោគលើសេវាសុខភាពសាធារណៈ និងសេវាថែទាំសុខភាពនៅមូលដ្ឋាន

អង្គការសុខភាពពិភពលោក (WHO) មានមោទនភាពដែលបានក្លាយជាដៃគូរបស់រដ្ឋាភិបាលវៀតណាម រួមជាមួយដៃគូ និងអ្នកផ្តល់ជំនួយក្នុងស្រុក និងអន្តរជាតិ។ នៅក្នុងរបាយការណ៍របស់ខ្លួន អង្គការសុខភាពពិភពលោក (WHO) ថ្លែងអំណរគុណចំពោះប្រទេសជាសមាជិក ដៃគូ និងអ្នកផ្តល់ជំនួយទាំងអស់ដែលបានចូលរួមចំណែកដល់ការងាររបស់អង្គការក្នុងការគាំទ្ររដ្ឋាភិបាល និងប្រជាជនវៀតណាម។

ដោយមានប្រភពហិរញ្ញវត្ថុប្រកបដោយចីរភាព និងមានស្ថិរភាព អង្គការសុខភាពពិភពលោកអាចបន្តលើកកម្ពស់សមភាពសុខភាព ជួយដាក់គោលដៅអភិវឌ្ឍន៍ប្រកបដោយចីរភាព (SDGs) ទាក់ទងនឹងសុខភាពឱ្យមកតាមគោលដៅដែលបានកំណត់វិញ និងត្រៀមរៀបចំប្រព័ន្ធសុខាភិបាលនិងសហគមន៍ឲ្យ​បាន​ល្អ​ប្រសើរ​នៅពេលប្រឈមមុខនឹងវិបត្តិ និងបញ្ហាប្រឈមនាពេលអនាគត៕

បកប្រែដោយ Duy Hoan