តំបន់សេដ្ឋកិច្ចពិសេស Van Don ត្រៀមរៀបចំពិធីបើកសម្ពោធ និងចាប់ផ្តើមសាងសង់គម្រោងចំនួន ១៥
កប.អនឡាញ - តាមការគ្រោងទុក នៅថ្ងៃទី ២៩ ខែធ្នូ តំបន់សេដ្ឋកិច្ចពិសេស Van Don ខេត្ត Quang Ninh (ភាគខាងជើងវៀតណាម) នឹងបើកសម្ពោធ និងដាក់ឲ្យដំណើរការគម្រោងហេដ្ឋារចនាសម្ព័ន្ធ និងផ្គត់ផ្គង់ទឹកស្អាតចំនួន ៣ ដែលមានទុនវិនិយោគសរុបជាង ៨៥០ ពាន់លានដុង។
គម្រោងទាំងនេះ រួមមាន៖ ការលើកកម្រិតគុណភាពខ្សែផ្លូវ Minh Chau - Quan Lan ប្រព័ន្ធផ្គត់ផ្គង់ទឹកស្អាតនៅក្នុងឃុំ Ngoc Vung និងផ្លូវតភ្ជាប់ស្ពាន Van Don លេខ៣ ទៅកាន់តំបន់តាំងទីលំនៅថ្មី Doan Ket។
    |
 |
|
គម្រោងផ្លូវតភ្ជាប់ស្ពាន Van Don លេខ៣ ទៅកាន់តំបន់តាំងទីលំនៅថ្មី Doan Ket បានត្រៀមរួចរាល់សម្រាប់បើកដំណើរការ (រូបថត៖ baoquangninh.vn) |
ក្នុងឱកាសនេះ Van Don នឹងចាប់ផ្តើមសាងសង់គម្រោងថ្មីចំនួន ១២ ក្នុងវិស័យអប់រំ ពាណិជ្ជកម្ម សេវាកម្ម ការដឹកជញ្ជូន ហេដ្ឋារចនាសម្ព័ន្ធបច្ចេកទេស ការលើកសោភ័ណ្ឌភាពទីក្រុង សួនឧទ្យាន និងគម្រោងគ្រប់គ្រងទឹកជំនន់ ដែលមានទុនវិនិយោគសរុបជាង ១,៤៥០ ពាន់លានដុង។ ក្នុងចំណោមគម្រោងទាំងនេះ គម្រោងជាច្រើនមានដើមទុនវិនិយោគសរុបច្រើន និងមានអត្ថន័យជាកម្លាំងចលករដ៏សំខាន់នៃការអភិវឌ្ឍសេដ្ឋកិច្ច ដូចជា៖ ស្ពានឆ្លងកាត់ទន្លេ Mang ដែលតភ្ជាប់ កោះ Minh Chau - កោះ Quan Lan - កោះ Ban Sen ខ្សែផ្លូវចូលតំបន់ទីក្រុង Cai Rong និងការសាងសង់ផ្សារ Cai Rong ថ្មី។ល។
គម្រោងទាំងនេះ រួមចំណែកដល់ការសុក្រឹត្យហេដ្ឋារចនាសម្ព័ន្ធបច្ចេកទេសនៃតំបន់សេដ្ឋកិច្ចពិសេស Van Don ពង្រីកលំហអភិវឌ្ឍន៍ ជំរុញសេវាកម្ម ទេសចរណ៍ និងឡូជីស្ទិក ដោយឆ្ពោះទៅរកគោលដៅកសាង Van Don ឲ្យក្លាយទៅជាតំបន់សេដ្ឋកិច្ចពិសេសជំនាន់ថ្មី៕
បកប្រែដោយ Thanh Cong