ទីក្រុងហូជីមិញជាស្ពាន ជំរុញទំនាក់ទំនងមិត្តភាព និងកិច្ចសហប្រតិបត្តិការ វៀតណាម-ឥណ្ឌូនេស៊ី

មានប្រសាសន៍នៅក្នុងពិធី លោក Nguyen Van Cong អនុប្រធានគណៈកម្មាធិការប្រជាជនទីក្រុងហូជីមិញ បានបញ្ជាក់ថា ប្រទេសឥណ្ឌូនេស៊ីបច្ចុប្បន្នគឺជាដៃគូសំខាន់មួយរបស់ទីក្រុងក្នុងវិស័យពាណិជ្ជកម្ម វិនិយោគ វប្បធម៌ និងទេសចរណ៍។ លោក Nguyen Van Cong បានវាយតម្លៃខ្ពស់ចំពោះការរួមចំណែកជាវិជ្ជមានរបស់ស្ថានកុងស៊ុល និងសហគមន៍ឥណ្ឌូនេស៊ីនៅទីក្រុងហូជីមិញ ព្រមទាំងអះអាងថា ទីក្រុងសន្យាជាស្ពានជាវិជ្ជមានជានិច្ច រួមចំណែកជំរុញទំនាក់ទំនងមិត្តភាព និងកិច្ចសហប្រតិបត្តិការដ៏ជិតស្និទ្ធរវាងប្រទេសទាំងពីរ។

លោក Nguyen Cong Vinh អនុប្រធានគណៈកម្មាធិការប្រជាជនទីក្រុងហូជីមិញ និងលោកស្រី Carolina Tinangon អគ្គកុងស៊ុលឥណ្ឌូនេស៊ីប្រចាំទីក្រុងហូជីមិញ ចូលរួមក្នុងពិធីនេះ (រូបថត៖ vnanet.vn)

ចូលរួមក្នុងព្រឹត្តិការណ៍នេះ លោកស្រី Carolina Tinangon អគ្គកុងស៊ុលឥណ្ឌូនេស៊ីប្រចាំទីក្រុងហូជីមិញ បានមានប្រសាសន៍ថា នាពេលខាងមុខ ឥណ្ឌូនេស៊ីមានបំណងចង់បង្កើនកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយវៀតណាម រួមទាំងទីក្រុងហូជីមិញផងដែរ លើវិស័យអាទិភាពដូចជា៖ សន្តិសុខស្បៀងអាហារ ជលផល សេដ្ឋកិច្ចឌីជីថល សេដ្ឋកិច្ចបៃតង និងឧស្សាហកម្មហាឡាល។ល៕

បកប្រែដោយ Huyen Trang