ការលើកកម្ពស់សក្តានុពលសម្រាប់កិច្ចសហប្រតិបត្តិការទេសចរណ៍វៀតណាម-វេណេស៊ុយអេឡា

នៅក្នុងព្រឹត្តិការណ៍នេះ លោក Vu Trung My ឯកអគ្គរដ្ឋទូតវៀតណាមប្រចាំនៅវេណេស៊ុយអេឡាបានសង្កត់ធ្ងន់ថា ការចូលរួមរបស់អង្គភាពអាជីវកម្មវៀតណាមនៅ FITVEN មិនត្រឹមតែបង្ហាញពីទំនាក់ទំនងមិត្តភាពប្រពៃណីរវាងប្រទេសទាំងពីរប៉ុណ្ណោះទេ ថែមទាំងបើកឱកាសដើម្បីបង្កើតការតភ្ជាប់ថ្មីៗ ដោយកសាងស្ពានតភ្ជាប់សម្រាប់កិច្ចសហប្រតិបត្តិការទេសចរណ៍ទ្វេភាគីបន្តិចម្តងៗ។ យោងតាមលោក Vu Trung My ឯកអគ្គរដ្ឋទូត អង្គភាពអាជីវកម្មទេសចរណ៍វៀតណាមនាំមកនូវស្មារតីនៃកិច្ចសហប្រតិបត្តិការ និងឆន្ទះពង្រីកទីផ្សារដល់ FITVEN។

លោក Vu Trung My ឯកអគ្គរដ្ឋទូតវៀតណាមប្រចាំនៅវេណេស៊ុយអេឡា និងតំណាងវៀតណាមចូលរួមពិព័រណ៍ទេសចរណ៍អន្តរជាតិវេណេស៊ុយអេឡាលើកទី១៨ - FITVEN 2025 (រូបថត៖ vov.vn)

នៅក្នុងជំនួបជាមួយគណៈប្រតិភូវៀតណាម លោកស្រី Leticia Gómez រដ្ឋមន្ត្រីទេសចរណ៍វេណេស៊ុយអេឡា បានវាយតម្លៃខ្ពស់ចំពោះការដែលអង្គភាពអាជីវកម្មទេសចរណ៍វៀតណាមបានមកប្រទេសវេណេស៊ុយអេឡាដើម្បីស្វែងយល់អំពីទីផ្សារ ជួបជាមួយដៃគូ និងស្វែងយល់ពីសក្តានុពលសហប្រតិបត្តិការ។ លោកស្រី Leticia Gómez រដ្ឋមន្ត្រីសង្ឃឹមថា បន្ទាប់ពី FITVEN 2025 អង្គភាពអាជីវកម្មវៀតណាមនឹងក្លាយជាស្ពានដ៏សំខាន់មួយដែលនាំភ្ញៀវទេសចរវៀតណាមមកកាន់វេណេស៊ុយអេឡា និងផ្ទុយទៅវិញ៕

បកប្រែដោយ Huyen Trang