ផលិតផល OCOP នៃតំបន់ដីសណ្តទន្លេ Hong ត្រូវបានណែនាំ និងផ្សព្វផ្សាយនៅទីក្រុង Hai Phong
កប.អនឡាញ - នាថ្ងៃទី ២៨ ខែវិច្ឆិកា នៅទីក្រុង Hai Phong ភាគខាងជើងវៀតណាមបានប្រព្រឹត្តទៅពិធីបើកកម្មវិធីតាំងបង្ហាញ និងណែនាំផលិតផលប្រចាំតំបន់របស់ទីក្រុង Hai Phong និងខេត្ត និងក្រុងនានាក្នុងតំបន់ដីសណ្តទន្លេ Hong ឆ្នាំ ២០២៥។
កម្មវិធីនេះបានមានស្តង់ចំនួន ២២ ដោយណែនាំកសិផល ទំនិញប្រើប្រាស់ ឱសថបុរាណ អាហារកែច្នៃដ៏លេចធ្លោ ... ផលិតផល OCOP (កម្មវិធីជាតិឃុំមួយផលិតផលមួយ) របស់ទីក្រុង Hai Phong និងខេត្ត និងក្រុងចំនួន ៦ រួមមាន៖ ទីក្រុងហាណូយ, ខេត្ត Thai Nguyen, ខេត្ត Hung Yen, ខេត្ត Bac Ninh, ខេត្ត Ninh Binh និងខេត្ត Quang Ninh។
    |
 |
|
ការបើកកម្មវិធីតាំងបង្ហាញ និងណែនាំផលិតផលប្រចាំតំបន់របស់ទីក្រុង Hai Phong និងខេត្ត និងក្រុងនានាក្នុងតំបន់ដីសណ្តទន្លេ Hong ឆ្នាំ ២០២៥ (រូបថត៖ vov.vn) |
នៅក្នុងកម្មវិធី លោកស្រី Tran Thi Thu អ្នកទីក្រុង Hai Phong បានចែករំលែកថា៖ «ខ្ញុំឃើញថាផលិតផលនៅទីនេះមានភាពចម្រុះណាស់ ហើយផលិតផលទាំងនេះស្ទើរតែទាំងអស់ត្រូវបានបញ្ជាក់ OCOP។ នៅពេលទិញផលិតផលដែលមានប្រភពដើមច្បាស់លាស់ អ្នកប្រើប្រាស់មានសុវត្ថិភាពខ្ពស់ ពីព្រោះឥឡូវនេះនិន្នាការទិញទំនិញគឺឆ្ពោះទៅរកគុណភាព និងធានាសុខភាព។ ជាធម្មតា ប្រជាជនស្គាល់តែជំនាញពិសេសនៃតំបន់របស់ពួកគេ ប៉ុន្តែតាមរយៈកម្មវិធីនេះ អ្នកទីក្រុង Hai Phong ស្គាល់ផលិតផលប្រចាំតំបន់ OCOP ជាច្រើនរបស់ខេត្ត និងក្រុងផ្សេងទៀត»។
កម្មវិធីតាំងបង្ហាញ និងណែនាំផលិតផលប្រចាំតំបន់របស់ទីក្រុង Hai Phong និងខេត្ត និងក្រុងនានានៅតំបន់ដីសណ្ដទន្លេ Hong ប្រព្រឹត្តទៅក្នុងរយៈពេល ៣ ថ្ងៃ (ចាប់ពីថ្ងៃទី ២៨ ដល់ថ្ងៃទី ៣០ ខែវិច្ឆិកា)៕
បកប្រែដោយ Huyen Trang