ការវិនិយោគផ្ទាល់ពីអឺរ៉ុបចូលមកវៀតណាមមានទំនោរកើនឡើងយ៉ាងខ្លាំង

សេដ្ឋកិច្ចវិទូវាយតម្លៃថា ការវិនិយោគផ្ទាល់ពីបរទេស (FDI) ពីអឺរ៉ុបមកកាន់វៀតណាមមានទំនោរកើនឡើងយ៉ាងខ្លាំងក្នុងប៉ុន្មានឆ្នាំថ្មីៗនេះ។  ក្នុងឆ្នាំ ២០២២ វៀតណាមបានទាក់ទាញការវិនិយោគផ្ទាល់ពីបរទេសចំនួន ២.៥ ពាន់លានដុល្លារអាមេរិកពីអឺរ៉ុប ហើយនៅឆ្នាំ ២០២៤ បានឈានដល់ ៣.២៥ ពាន់លានដុល្លារអាមេរិក។

រូបថតឧទាហរណ៍

ក្នុងចំណោមគម្រោងវិនិយោគផ្ទាល់ពីបរទេសជិត ២,៥០០ ដែលបានវិនិយោគពីអឺរ៉ុបចូលមកវៀតណាមរហូតមកដល់ពេលនេះ ប្រទេសចំនួន ៤ នៅអឺរ៉ុប រួមមាន៖ ហូឡង់ បារាំង លុចសំបួរ អាល្លឺម៉ង់ បានចូលរួមចំណែកប្រហែលជាង ២០ ពាន់លានដុល្លារអាមេរិក។

ទាក់ទងនឹងរចនាសម្ព័ន្ធឧស្សាហកម្ម ការវិនិយោគផ្ទាល់ពីបរទេសពីអឺរ៉ុបមកកាន់វៀតណាមបានវិនិយោគលើឧស្សាហកម្មចំនួន ១៨/២១ យោងទៅតាមប្រព័ន្ធចាត់ថ្នាក់វិស័យសេដ្ឋកិច្ចជាតិ។

ទាក់ទងនឹងការចែកចាយភូមិសាស្ត្រ វិនិយោគិនសហភាពអឺរ៉ុបមានវត្តមាននៅក្នុងខេត្ត និងទីក្រុងភាគច្រើននៃប្រទេសវៀតណាម ប៉ុន្តែនៅតែផ្តោតសំខាន់នៅក្នុងទីក្រុងធំៗ និងតំបន់ដែលមានហេដ្ឋារចនាសម្ព័ន្ធអភិវឌ្ឍន៍ដូចជា៖ ទីក្រុងហូជីមិញ, ខេត្ត Dong Nai, ទីក្រុងហាណូយ, ខេត្ត Bac Ninh, ខេត្ត Quang Ninh។ល។

លោក Nguyen Hai Minh អនុប្រធានសភាពាណិជ្ជកម្មអឺរ៉ុបប្រចាំនៅវៀតណាម (EuroCham) បានមានប្រសាសន៍ថា ប្រទេសវៀតណាមគឺជាប្រទេសមួយដែលបានលេចចេញយ៉ាងឆាប់រហ័សក្នុងរយៈពេលថ្មីៗនេះ ជាពិសេសនៅក្នុងក្រសែភ្នែករបស់វិនិយោគិនអឺរ៉ុប។ ការវិនិយោគផ្ទាល់ពីបរទេសពីអឺរ៉ុបមកកាន់វៀតណាមកំពុងមានទំនោរផ្តោតលើវិស័យថ្មីៗដូចជាថាមពលស្អាត បច្ចេកវិទ្យាខ្ពស់ ឬមជ្ឈមណ្ឌល logistics ដើម្បីប្រែក្លាយវៀតណាមទៅជាមជ្ឈមណ្ឌលដឹកជញ្ជូននៅក្នុងតំបន់៕

បកប្រែដោយ Thanh Cong