នៅក្នុងកិច្ចប្រជុំនេះ លោក Phan Thien Dinh ប្រធានគណៈកម្មាធិការប្រជាជនទីក្រុង Hue បានឲ្យដឹងថា នេះគឺជាទឹកជំនន់មួយក្នុងចំណោមទឹកជំនន់ដែលមានអាំងតង់ស៊ីតេ និងទឹកភ្លៀងខ្ពស់បំផុតក្នុងរយៈពេលជាច្រើនឆ្នាំ ដែលបង្កផលប៉ះពាល់យ៉ាងធ្ងន់ធ្ងរដល់ជីវភាពរបស់ប្រជាជន និងហេដ្ឋារចនាសម្ព័ន្ធទីក្រុង។ យោងតាមស្ថិតិដំបូង មានមនុស្ស ១ នាក់បានស្លាប់ និង ១ នាក់បាត់ខ្លួន។ គ្រួសារជាង ២០០,០០០ គ្រួសារបានដាច់ចរន្តអគ្គិសនីជាបណ្តោះអាសន្ន។ ប្រជាជនជាង ៤,៥០០ នាក់នៅក្នុងឃុំ និងសង្កាត់ចំនួន ៣២ ត្រូវបានជម្លៀសចេញទៅតំបន់សុវត្ថិភាព។ កងកម្លាំងប្រដាប់អាវុធបានចល័តកម្មាភិបាល នគរបាល និងយុទ្ធជន...ជិត ៣,០០០ នាក់ ចូលរួមជម្លៀសប្រជាជន ធ្វើប្រតិបត្តិការជួយសង្គ្រោះ និងចាត់ចែងចរាចរណ៍។

leftcenterrightdel
លោក Tran Hong Ha ឧបនាយករដ្ឋមន្ត្រី អញ្ជើញថ្លែងមតិនៅក្នុងជំនួបធ្វើការជាមួយគណៈកម្មាធិការប្រជាជនទីក្រុង Hue 

លោក Tran Hong Ha ឧបនាយករដ្ឋមន្ត្រី បានកោតសរសើរចំពោះប្រតិបត្តិការនៃអាងស្តុកទឹកអន្តរតំបន់ និងទិសដៅ និងការព្យាករណ៍ទាន់ពេលវេលាពីមជ្ឈិមដល់មូលដ្ឋាន។ ដោយសារការរៀបចំដ៏ល្អរបស់អាជ្ញាធរមូលដ្ឋាន និងជំនាញឆ្លើយតបកាន់តែខ្ពស់របស់ប្រជាជន ដែលរួមចំណែកដល់ការកាត់បន្ថយការខូចខាត។ លោកឧបនាយករដ្ឋមន្ត្រីបានស្នើឱ្យតំបន់ បន្តលើកកម្ពស់ស្មារតីនេះ ដោយរៀបចំខ្លួនឱ្យកាន់តែប្រសើរចំពោះបម្រែបម្រួលស្មុគស្មាញរបស់ភ្លៀង និងទឹកជំនន់ ដែលអាចអូសបន្លាយរយៈពេល ២-៣ ថ្ងៃខាងមុខ៕

តាម vovworld.vn