វៀតណាមជួយឡាវសាងសង់ស្ថានីយ៍វិទ្យុ និងទូរទស្សន៍ខេត្ត Huaphanh

គម្រោងស្ថានីយ៍វិទ្យុ និងទូរទស្សន៍ខេត្ត Huaphanh មានទុនវិនិយោគសរុបចំនួន ១៤៦.៤ ពាន់លានដុង ដែលក្នុងនោះ រដ្ឋាភិបាលវៀតណាមផ្តល់ជំនួយឥតសំណងចំនួន ១៣៨.៦ ពាន់លានដុង និងថវិកាបដិការរបស់រដ្ឋាភិបាលឡាវមានចំនួន ៧.៨ ពាន់លានដុង។

ពិធីបើកការដ្ឋានសាងសង់ស្ថានីយ៍វិទ្យុ និងទូរទស្សន៍ខេត្ត Huaphanh (រូបថត៖ nhandan.vn)

នៅក្នុងពិធី លោក Phoutphanh Keovongxay លេខាគណៈកម្មាធិការបក្ស និងជាអភិបាលរងខេត្ត Huaphanh បានមានប្រសាសន៍ថា នេះគឺជាគម្រោងសហប្រតិបត្តិការមួយរវាងរដ្ឋាភិបាលឡាវ និងរដ្ឋាភិបាលវៀតណាម ដែលមានសារៈសំខាន់ជាពិសេសចំពោះការអភិវឌ្ឍរបស់ខេត្ត។ នៅពេលដែលបានបញ្ចប់ និងដាក់ឱ្យប្រើប្រាស់ គម្រោងនេះនឹងរួមចំណែកដល់ការលើកកម្ពស់សមត្ថភាពហេដ្ឋារចនាសម្ព័ន្ធផ្សព្វផ្សាយក្នុងមូលដ្ឋាន ធានាការផ្សាយព័ត៌មានរហ័ស ត្រឹមត្រូវ និងមានតម្លាភាព ក្លាយជាបណ្តាញដ៏មានប្រសិទ្ធភាពសម្រាប់ឃោសនាគោលការណ៍ និងគោលនយោបាយរបស់បក្ស និងរដ្ឋ ដោយផ្តល់នូវប្រភពព័ត៌មាន និងចំណេះដឹងដ៏សម្បូរបែប និងចម្រុះសម្រាប់ប្រជាជន។

លោក Phoutphanh Keovongxay បានសង្កត់ធ្ងន់ថា គម្រោងនេះមិនត្រឹមតែមានតម្លៃផ្នែកសេដ្ឋកិច្ចសង្គមប៉ុណ្ណោះទេ ថែមទាំងជានិមិត្តរូបដ៏រស់រវើកនៃទំនាក់ទំនងមិត្តភាពដ៏អស្ចារ្យ សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ឡាវ-វៀតណាមទៀតផង៕

បកប្រែដោយ Huyen Trang