ពិព័រណ៍នេះ មានផ្ទៃដីតាំងពិព័រណ៍ជាង ១៣០,០០០ ម៉ែត្រការ៉េ ជាមួយនឹងស្តង់ជាង ៣,០០០ មកពីខេត្ត ក្រុងទាំង៣៤ និងបណ្តាក្រសួង ស្ថាប័ន សហគ្រាសក្នុងស្រុកនិងបរទេសចំនួន ២,៥០០។ ពិព័រណ៍នេះត្រូវបានចាត់ទុកជា "ពិព័រណ៍ដែលមានប្រការល្អបំផុតទាំង ៦" រួមមាន៖ ទំហំធំបំផុត បរិយកាសទំនើបបំផុត ផលិតផលចម្រុះបំផុត គុណភាពខ្ពស់បំផុត សកម្មភាពទាក់ទាញបំផុត និងការអនុគ្រោះល្អបំផុត។
ស្តង់ទំនិញនៅក្នុងពិព័រណ៍នេះ ត្រូវបានរៀបចំជា ៥ តំបន់ តាមប្រធានបទទាក់ទងនឹងអត្តសញ្ញាណវប្បធម៌វៀតណាម ដូចជា៖ តំបន់ "សរទរដូវនៃវិបុលភាព” ដាក់តាំងបង្ហាញផលិតផលនិងទំនិញក្នុងវិស័យឧស្សាហកម្ម ពាណិជ្ជកម្ម និងសេវាកម្ម; តំបន់ "សរទរដូវសម្រាប់គ្រួសារ" ដែលឧទ្ទេសនាមនិងផ្សព្វផ្សាយផលិតផលប្រើប្រាស់ និងម៉ាកយីហោល្បីៗនៅក្នុងប្រព័ន្ធលក់រាយនិងមណ្ឌលពាណិជ្ជកម្ម ក៏ដូចជាផលិតផលនិងសម្ភារៈខាងក្នុងនិងខាងក្រៅផ្ទះ; តំបន់ "សរទរដូវវៀតណាម - ពណ៌នៃសរទរដូវ” ដែលឧទ្ទេសនាម និងផ្សព្វផ្សាយផលិតផលពិសេសនៃមូលដ្ឋាននីមួយៗ; តំបន់ "ភាពប្រណិតនៃសរទរដូវហាណូយ" ដែលឧទ្ទេសនាមផលិតផលឧស្សាហកម្មនិងពាណិជ្ជកម្មឆ្នើម ផលិតផល OCOP ផលិតផលនៃភូមិសិប្បកម្ម។ល។ តំបន់ "ភាពប្រណិតនៃវប្បធម៌វៀតណាម" ដែលឧទ្ទេសនាមផលិតផលពិសេសនៃឧស្សាហកម្មវប្បធម៌ចំនួន ១២។ ពិព័រណ៍សរទរដូវឆ្នាំ ២០២៥ នឹងប្រព្រឹត្តទៅរហូតដល់ថ្ងៃទី ៤ ខែវិច្ឆិកា៕
តាម vovworld.vn
Type the code from the image