ពិធីបំផុសកម្មវិធីប្រកាសសហគ្រាសប្រកបដោយនិរន្តរភាពនៅវៀតណាម ឆ្នាំ២០២៥

ក្នុងពិធីនេះ លោក Nguyen Quang Vinh អនុប្រធានសហភាពពាណិជ្ជកម្ម និងឧស្សាហកម្មវៀតណាម (VCCI) ប្រធានក្រុមប្រឹក្សាធុរកិច្ចវៀតណាមសម្រាប់ការអភិវឌ្ឍប្រកបដោយចីរភាព (VBCSD) បានឲ្យដឹងថា ឆ្នាំនេះមានសារៈសំខាន់ពិសេស ដោយគូសសញ្ញារយៈពេល ១០ ឆ្នាំនៃការអនុវត្តកម្មវិធីសន្ទស្សន៍សហគ្រាសអភិវឌ្ឍន៍និរន្តរភាព (CSI)។

ប្រតិភូនានាចែករំលែកព័ត៌មានក្នុងពិធី

លោក Nguyen Quang Vinh  បានមានប្រសាសន៍ថា៖ “ក្រមសន្ទស្សន៍សហគ្រាសនិរន្តរភាព  (CSI)  តែងតែត្រូវបានធ្វើបច្ចុប្បន្នភាពជានិច្ច។ សហគមន៍ធុរកិច្ចវៀតណាមបានចាប់ផ្តើមស៊ាំនឹងក្រមសន្ទស្សន៍នេះ។ យើងធ្វើបច្ចុប្បន្នភាពសន្ទស្សន៍នេះដោយផ្អែកលើការសម្របសម្រួលជាមួយអ្នកជំនាញ ទីភ្នាក់ងារ និងវិស័យនានា ដូច្នេះសន្ទស្សន៍នេះអាចផ្សព្វផ្សាយយ៉ាងទូលំទូលាយដល់សហគមន៍នៃសហគ្រាសធុនតូច និងមធ្យម សូម្បីតែសហគ្រាសខ្នាតតូចបំផុតក៏ដោយ។ ក្រមសន្ទស្សន៍នេះផ្តោតលើការធ្វើអាជីវកម្មប្រកបដោយទំនួលខុសត្រូវ និងនិរន្តរភាព ដើម្បីរួមចំណែកកាន់តែប្រសើរសម្រាប់សង្គម”។

កម្មវិធីប្រកាស CSI ២០២៥ កំពុងទទួលយកឯកសារពីគ្រប់អង្គភាពអាជីវកម្ម និងគ្រប់វិស័យ ហើយនឹងលើកតម្កើងដល់កំពូលអង្គភាពអាជីវកម្មប្រកបដោយនិរន្តរភាពទាំង ១០០ អង្គភាពផងដែរ៕

បកប្រែដោយ Thanh Cong