ខេត្ដ Dien Bien ចាប់ផ្តើមគម្រោង "សាលាអន្ដេវេសិក - ផ្ទះសុភមង្គល"

នៅអង្គសិក្ខាសាលា ប្រតិភូទាំងឡាយបានពិភាក្សា និងបញ្ជាក់អំពីគោលបំណង និងផែនការអនុវត្ត តួនាទី ភារកិច្ចនិងយន្តការសម្របសម្រួលរបស់ភាគីនានាដែលចូលរួមគម្រោង។

តាមនោះ គម្រោង "សាលាអន្ដេវេសិក - ផ្ទះសុភមង្គល" ត្រូវបានអនុម័តដោយគណៈកម្មាធិការប្រជាជនខេត្ត Dien Bien និងឧបត្ថម្ភថវិកាដោយសហភាពអឺរ៉ុប តាមរយៈអង្គការ WVI វៀតណាម ដើម្បីអនុវត្តនៅខេត្ត Dien Bien ចាប់ពីថ្ងៃទី ១ ខែធ្នូ ឆ្នាំ ២០២៤ ដល់ថ្ងៃទី ៣០ ខែកញ្ញា ឆ្នាំ ២០២៧។ គម្រោងនេះមានគោលបំណងលើកកំពស់លទ្ធភាពទទួលបានសេវាកម្មដ៏មានគុណភាពរបស់សិស្សានុសិស្ស និងសេវាកម្មសំខាន់ៗផ្សេងទៀត​។

ទិដ្ឋភាពនៃសិក្ខាសាលា

ជាពិសេស គម្រោងនេះនឹងត្រូវអនុវត្តនៅសាលាអនុវិទ្យាល័យអន្ដេវាសិកជនជាតិចំនួន ១៤ នៅស្រុកភ្នំចំនួន ៤ គឺស្រុក Dien Bien Dong, ស្រុក Muong Cha, ស្រុក Tuan Giao, ស្រុក Tua Chua និងសកម្មភាពថ្នាក់ខេត្តមួយចំនួននៅទីក្រុង Dien Bien Phu ដោយមានថវិកាប្រមាណ ១៥.៨ ពាន់លានដុង។ អ្នកទទួលផលគឺសិស្សរបស់សាលាអន្ដេវាសិកជាង ៦,៥០០០ នាក់ និងឪពុកម្តាយសិស្សជាង ១២,៤០០ នាក់ រួមនឹងអ្នកគ្រប់គ្រង  គ្រូបង្រៀននិងបុគ្គលិកចំនួន ៤៣៨ នាក់។

លោក Cu Huy Hoan អនុប្រធានមន្ទីរអប់រំ និងបណ្តុះបណ្តាលខេត្ត Dien Bien ថ្លែងក្នុងសិក្ខាសាលា

ថ្លែងមតិក្នុងសិក្ខាសាលា លោក Cu Huy Hoan អនុប្រធានមន្ទីរអប់រំ និងបណ្តុះបណ្តាលខេត្ត Dien Bien បានសង្កត់ធ្ងន់ថា៖ គម្រោងនេះគឺជាការផ្តួចផ្តើមដ៏សំខាន់តម្រូវឱ្យមានការទទួលខុសត្រូវរបស់អាជ្ញាធរមូលដ្ឋាន ទីភ្នាក់ងារ អង្គការនានា និងការជួយឧបត្ថម្ភរបស់អង្គការ WVI វៀតណាម ដើម្បីគម្រោងនេះសម្រេចបាននូវប្រសិទ្ធភាពប្រកបដោយនិរន្តរភាព។ អាស្រ័យហេតុនេះ រួមចំណែកលើកកម្ពស់គុណភាពអប់រំ បង្កើតលក្ខខណ្ឌល្អបំផុតសម្រាប់សិស្ស លើកទឹកចិត្ដសិស្សក្នុងការសិក្សា និងអភិវឌ្ឍន៍ខ្លួនឯង...

បកប្រែដោយ Pham Diep