លោកនាយករដ្ឋមន្ដ្រី Pham Minh Chinh ៖ ដោះស្រាយការលំបាក និងឧបសគ្គចំពោះគម្រោងទាំងឡាយ នាំធនធានមកបម្រើការអភិវឌ្ឍ
កប.អនឡាញ - លោកនាយករដ្ឋមន្ត្រីបានស្នើឱ្យស្ថាប័ន អង្គភាព និងមូលដ្ឋានទាំងឡាយ បន្តពិនិត្យ វាយតម្លៃលើគម្រោងដែលមិនទាន់បានបញ្ចប់ គម្រោងវិនិយោគជាប់គាំង ហើយចាត់វិធានការ ដើម្បីដោះស្រាយឲ្យសមស្រប និងមានប្រសិទ្ធភាព។
នាព្រឹកថ្ងៃទី៣០ ខែមីនា នៅទីស្នាក់ការរដ្ឋាភិបាល លោកនាយករដ្ឋមន្រ្តី Pham Minh Chinh បានអញ្ជើញជាអធិបតីក្នុងកិច្ចប្រជុំជាមួយគណៈកម្មាធិការដឹកនាំការត្រួតពិនិត្យ និងដោះស្រាយការលំបាក និងឧបសគ្គ ដែលទាក់ទងនឹងគម្រោងទាំងឡាយ ដើម្បីស្តាប់ក្រសួង ស្ថាប័ន និងមូលដ្ឋានទាំងឡាយ រាយការណ៍អំពីការត្រួតពិនិត្យ វាយតម្លៃ និងស្វែងរកដំណោះស្រាយ ដើម្បីដោះស្រាយការលំបាកសម្រាប់គម្រោងមិនទាន់បានបញ្ចប់ និងគម្រោងវិនិយោគជាប់គាំង។
    |
 |
|
លោកនាយករដ្ឋមន្រ្តី Pham Minh Chinh អញ្ជើញជាអធិបតីក្នុងកិច្ចប្រជុំជាមួយក្រសួង ស្ថាប័នដើម្បីដោះស្រាយការលំបាកសម្រាប់គម្រោងនានា (រូបថត៖ vnanet.vn) |
តាមរយៈការត្រួតពិនិត្យ និងរាយការណ៍របស់ក្រសួង ស្ថាប័ន និងមូលដ្ឋានទាំងឡាយ បានឲ្យដឹងថា នៅទូទាំងប្រទេសមានគម្រោងប្រហែល ១៥០០ គម្រោងដែលប្រឈមនឹងការលំបាក រួមមានគម្រោងវិនិយោគសាធារណៈ គម្រោងវិនិយោគក្រៅថវិការដ្ឋ និងគម្រោងវិនិយោគតាមទម្រង់ដៃគូសាធារណៈ និងឯកជន (PPP - Public - Private Partnership)។
លោកនាយករដ្ឋមន្ត្រីបានស្នើឱ្យស្ថាប័ន អង្គភាព និងមូលដ្ឋានទាំងឡាយ បន្តត្រួតពិនិត្យ វាយតម្លៃគម្រោងមិនទាន់បានបញ្ចប់ និងគម្រោងវិនិយោគជាប់គាំង ហើយចាត់វិធានការដើម្បីដោះស្រាយឲ្យសមស្រប និងមានប្រសិទ្ធភាព។ ព្រមទាំងរាយការណ៍ជូននាយករដ្ឋមន្ត្រីមុនថ្ងៃទី១០ ខែមេសា។ លោកនាយករដ្ឋមន្ត្រីក៏បានស្នើឲ្យក្រសួង ស្ថាប័ន និងមូលដ្ឋានទាំងឡាយ ស្វែងរកដំណោះស្រាយ ហើយផ្ញើទៅក្រសួងហិរញ្ញវត្ថុ និងការិយាល័យរដ្ឋាភិបាល ដើម្បីរាយការណ៍ជូនគណៈកម្មាធិការដឹកនាំ៕
បកប្រែដោយ Pham Diep