ស្ថាប័នបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ ជំរុញការបង្រៀន និងការ​រៀនភាសាវៀតណាម

នាថ្ងៃទី ២២ មីនា នៅទីក្រុងញូវយ៉ក សហរដ្ឋអាមេរិក ស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិបានសម្របសម្រួលជាមួយកម្មវិធីភាសាវៀតណាមនៅសាកលវិទ្យាល័យ Columbia រៀបចំបើកថ្នាក់រៀនភាសាវៀតណាមដោយឥតគិតថ្លៃសម្រាប់កុមារនៃសហគមន៍វៀតណាមនៅទីក្រុងញូវយ៉ក និងតំបន់ជុំវិញ។

ថ្នាក់រៀនភាសាវៀតណាមដោយឥតគិតថ្លៃសម្រាប់កុមារនៃសហគមន៍វៀតណាមនៅទីក្រុងញូវយ៉ក និងតំបន់ជុំវិញ

ថ្នាក់រៀនមានកុមារដែលមានអាយុចន្លោះពី ៦ ទៅ ១៤ ឆ្នាំ ដែលភាគច្រើនកើតនៅសហរដ្ឋអាមេរិក ហើយ​​មានឪពុក ឬម្តាយ ជាជនបរទេស។ អញ្ជើញចូលរួម និងថ្លែងមតិក្នុងពិធីបើក លោកឯកអគ្គរដ្ឋទូត Dang Hoang Giang ប្រធានស្ថាប័នអចិន្ត្រៃយ៍វៀតណាមប្រចាំនៅអង្គការសហប្រជាជាតិបានសង្កត់ធ្ងន់លើសារៈសំខាន់នៃការរក្សា និងផ្សព្វផ្សាយភាសាវៀតណាមនៅបរទេសនិយាយរួម និងអាមេរិកនិយាយដោយឡែក។

លោកឯកអគ្គរដ្ឋទូត Dang Hoang Giang អញ្ជើញចូលរួម និងថ្លែងមតិក្នុងពិធីបើក

លោកឯកអគ្គរដ្ឋទូតមានជំនឿថា ការបង្រៀន និងការរៀនភាសាវៀតណាមនៅទីស្នាក់ការស្ថានបេសកកម្មនឹងមានភាពរស់រវើក និងពោរពេញទៅដោយសំណើច ជួយកុមារមិនត្រឹមតែបង្កើនជំនាញភាសាវៀតណាមប៉ុណ្ណោះទេ ថែមទាំងមានឱកាសស្វែងយល់បន្ថែមអំពីទំនៀមទំលាប់ វប្បធម៌ ប្រវត្តិសាស្ត្ររបស់ប្រទេសជាតិ អាស្រ័យ​លើនេះ​មាន​ទំនាក់ទំនងកាន់តែជិតស្និទ្ធជាមួយមាតុភូមិ។

ក្នុងឱកាសនេះ លោកឯកអគ្គរដ្ឋទូត Dang Hoang Giang បានថ្លែងអំណរគុណរចំពោះកិច្ចសហប្រតិបត្តិការ និងការគាំទ្រពីកម្មវិធីភាសាវៀតណាម នៅសាកលវិទ្យាល័យ Columbia ជាពិសេសពីមិត្តជិតស្និទ្ធរបស់ស្ថានបេសកកម្ម ដូចជាលោកស្រីសាស្ត្រាចារ្យ Nguyen Lien Hang នាយិកាវិទ្យាស្ថានអាស៊ីបូព៌ា Weatherhead និងអ្នកគ្រូ Nguyen Phuong Chung ផ្នែកភាសា និងវប្បធម៌អាស៊ីបូព៌ា នៃសាកលវិទ្យាល័យ Columbia។

កុមារនៅក្នុងថ្នាក់រៀន

តំណាងកម្មវិធីភាសាវៀតណាមនៃសាកលវិទ្យាល័យ Columbia លោកស្រីសាស្ត្រាចារ្យ Nguyen Lien Hang បានសម្តែងនូវកិត្តិយសដែលបានរួមដំណើរជាមួយទីភ្នាក់ងារតំណាងការទូតវៀតណាមក្នុងសកម្មភាពថែរក្សាភាសា និងវប្បធម៌វៀតណាមនៅអាមេរិក ដោយសង្ឃឹមថា សកម្មភាពដែលភាគីទាំងពីររៀបចំឡើងនឹងទទួលបានជោគជ័យ រួមចំណែកលើកទឹកចិត្តដល់ការសិក្សា និងបង្រៀនភាសាវៀតណាមនៅទីក្រុងញូវយ៉ក។

បកប្រែដោយ Thanh Cong