សន្សំបានអគ្គិសនីចំនួន ៤៤៨,០០០ គីឡូវ៉ាត់ បន្ទាប់ពីបិទភ្លើង ១ ម៉ោង ដើម្បីឆ្លើយតបទៅនឹងម៉ោងផែនដី ឆ្នាំ ២០២៥

យោងតាមព័ត៌មានពីក្រុមហ៊ុនប្រតិបត្តិការប្រព័ន្ធអគ្គិសនី និងទីផ្សារ (NSMO) បន្ទាប់ពីបិទភ្លើងរយៈពេល ១ ម៉ោង សម្រាប់ព្រឹត្តិការណ៍ ម៉ោងផែនដី ឆ្នាំ ២០២៥ (ចាប់ពីម៉ោង ៨ និង៣០នាទី យប់ ដល់ម៉ោង ៩និង ៣០នាទី យប់ ថ្ងៃទី ២២ ខែមីនា ឆ្នាំ ២០២៥) ប្រទេសទាំងមូលបានសន្សំសំចៃអគ្គិសនីបានចំនួន ៤៤៨,០០០ គីឡូវ៉ាត់។ ព្រឹត្តិការណ៍ ម៉ោងផែនដី មានគោលបំណងឆ្លើយតបនិងអំពាវនាវឱ្យមានការចូលរួមពីគ្រប់ស្រទាប់វណ្ណៈក្នុងសង្គម ដើម្បីធ្វើសកម្មភាពរួមគ្នាឆ្ពោះទៅរកសេដ្ឋកិច្ចបៃតង។

សកម្មភាពបិទភ្លើងដើម្បីឆ្លើយតបទៅនឹងម៉ោងផែនដី ២០២៥ នៅទីក្រុងហាណូយ

ឆ្នាំមុននេះ ឆ្លើយតបទៅនឹងយុទ្ធនាការម៉ោងផែនដី បន្ទាប់ពីបិទភ្លើង ១ ម៉ោង ប្រទេសទាំងមូលបានសន្សំសំចៃអគ្គិសនីបាន ៤២៨,០០០ គីឡូវ៉ាត់។ យោងតាមការវាយតម្លៃរបស់ក្រសួងឧស្សាហកម្មនិងពាណិជ្ជកម្ម វិស័យថាមពលបច្ចុប្បន្នបានរួមចំណែកប្រហែល ៧០% នៃការបំភាយឧស្ម័នផ្ទះកញ្ចក់សរុប។ នៅក្រោមសេណារីយ៉ូអភិវឌ្ឍន៍ធម្មតា សមាមាត្រនេះអាចឈានដល់ ៨០% នៅឆ្នាំ ២០៣០។ ប្រសិនបើតំបន់ អាជីវកម្ម និងប្រជាជនមិនចាត់វិធានការយ៉ាងខ្លាំងដើម្បីកាត់បន្ថយការបំភាយឧស្ម័នផ្ទះកញ្ចក់ វៀតណាមប្រហែលជាពិបាកក្នុងការសម្រេចបាននូវគោលដៅនៃការបំភាយឧស្ម័នសូន្យសុទ្ធនៅឆ្នាំ ២០៥០ ដូចដែលបានប្តេជ្ញាមុននេះឡើយ៕

តាម vovworld.vn