ទិវាជនពិការអន្តរជាតិ (៣ ធ្នូ)៖ វៀតណាមជំរុញខ្លាំង​ការបង្កើតឱកាសការងារសម្រាប់ជនពិការ

វៀតណាមជំរុញខ្លាំងការបង្កើតឱកាសការងារសម្រាប់ជនពិការ

វៀតណាមជាប្រទេសមួយក្នុងចំណោមប្រទេសដែលបានចេញផ្សាយឱ្យប្រើប្រាស់ប្រព័ន្ធច្បាប់យ៉ាងពេញលេញនិងទូលំទូលាយស្តីពីជនពិការ។ វៀតណាមមានច្បាប់ស្តីពីជនពិការនិងបានផ្តល់សច្ចាប័នលើអនុសញ្ញាស្តីពីសិទ្ធិជនពិការ។ លោក To Duc ប្រធាននាយកដ្ឋានគាំពារសង្គម (ក្រសួងការងារ យុទ្ធជនពិការ និងសង្គមកិច្ច) បានឲ្យដឹងថា៖ “កម្មវិធីនេះបានកំណត់គោលដៅដល់ឆ្នាំ ២០៣០ ជនពិការចំនួន ៣០០.០០០ នាក់ដែលមានតម្រូវការ និងមានលក្ខណៈគ្រប់គ្រាន់នឹងទទួលបានការបណ្តុះបណ្តាលវិជ្ជាជីវៈ និងបង្កើតការងារធ្វើ; ការឧបត្ថម្ភវិនិយោគលើមូលដ្ឋាបសម្ភារៈ ... ទូទាំងប្រទេស។ ខិតខំជួយឧបត្ថម្ភជនពិការ ចំនួន ១០០% ដែលមានតម្រូវការនិងមានលក្ខណៈគ្រប់គ្រាន់នឹងទទួលបានការគាំទ្រឲ្យខ្ចីប្រាក់ក្នុងអត្រាការប្រាក់អនុគ្រោះ ដើម្បីបង្កើតមុខរបរចិញ្ជឹមជីវិត និងបង្កើតការងារធ្វើសម្រាប់ជនពិការប្រមាណ ១៩,០០០នាក់។ ទន្ទឹមនឹងនោះ ជនពិការជាច្រើនបានព្យាយាមយ៉ាងសកម្មក្នុងការក្រោកឡើង បង្កើតការងារចិញ្ចឹមជីវិត”។

បច្ចុប្បន្នវៀតណាមមានជនពិការប្រមាណ៧លាននាក់ ស្មើនឹង៧%នៃចំនួនប្រជាជនអាយុចាប់ពី២ឆ្នាំឡើងទៅ។ ជនពិការមានការងារធ្វើ មិនត្រឹមតែជួយលើកកំពស់ជីវភាពរស់នៅរបស់ពួកគេប៉ុណ្ណោះទេ ប៉ុន្តែថែមទាំងបញ្ជាក់ពីសមភាពក្នុងការទទួលបានការងារធ្វើសម្រាប់មនុស្សម្នាក់ៗ រួមចំណែកធានាសុខុមាលភាពសង្គម៕

តាម vovworld.vn