ពិធីសែនដូនតាដ៏កក់ក្តៅរបស់ប្រជាពលរដ្ឋខ្មែរ

លោក Nguyen Thanh The បានជូនពរព្រះសង្ឃ អាចារ្យ គណៈគ្រប់គ្រង ព្រះចៅអធិការវត្ត និងជនរួមជាតិខ្មែរ មានសេចក្តីរីករាយ សុភមង្គលក្នុងឱកាសពិធីបុណ្យសែនដូនតាឆ្នាំ២០២៤។ ទន្ទឹមនឹងនោះ ទទួលស្គាល់ និងកោតសរសើរចំពោះការរួមចំណែករបស់ព្រះសង្ឃ និងជនរួមជាតិខ្មែរ ក្នុងការអភិវឌ្ឍនៃខេត្តទាំងមូល។

លោក Nguyen Thanh The មានបំណងថា ព្រះសង្ឃ និងពុទ្ធសាសនិកជនខ្មែរនាពេលខាងមុខនឹងបន្តលើកតម្កើងប្រពៃណីសាមគ្គីភាព និងអនុវត្តបានល្អនូវគោលការណ៍របស់បក្ស និងច្បាប់របស់រដ្ឋ ចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ ខិតខំប្រឹងប្រែងបង្កបង្កើនផល ដើម្បីកែលម្អជីវភាពរស់នៅ ថែរក្សា និងលើកកំពស់អត្តសញ្ញាណវប្បធម៌ជនជាតិ។ ខេត្ត Vinh Long បន្តអនុវត្តគោលការណ៍ និងគោលនយោបាយរបស់បក្ស រដ្ឋ ស្តីពីការអភិវឌ្ឍសេដ្ឋកិច្ចសង្គមក្នុងតំបន់និយាយរួម និងតំបន់ជនជាតិខ្មែរនិយាយដោយឡែក។

លោក Nguyen Thanh The លេខារងប្រចាំការគណៈកម្មាធិការបក្សខេត្ត បានអញ្ជើញទៅសួរសុខទុក្ខ និងអបអរសាទរចំពោះ សមាគមសាមគ្គីភាពព្រះសង្ឃស្នេហាជាតិខេត្ត

លោក Truong Thanh Danh ប្រធានគណៈកម្មាធិការរណសិរ្សមាតុភូមិវៀតណាមខេត្ត Vinh Long  ជូនអំណោយដល់អ្នកមានប្រជាប្រិយភាពក្នុងតំបន់ជនជាតិខ្មែរ (រូបថត៖ Pham Minh Tuan/TTXVN)

ព្រះតេជគុណ Son Ngoc Huynh ប្រធានសមាគមសាមគ្គីព្រះសង្ឃស្នេហាជាតិខេត្ត Vinh Long ព្រះចៅអធិការវត្ត Hanh Phuc Tang បានសម្តែងនូវក្តីរំភើបរីករាយចំពោះការយកចិត្តទុកដាក់របស់ខេត្ត និងមូលដ្ឋានសម្រាប់ប្រជាជនខ្មែរក្នុងឱកាសសែនដូនតា។  ព្រះតេជគុណ ថ្លែងអរគុណចំពោះការយកចិត្តទុកដាក់ ការបង្កើតលក្ខខណ្ឌអំណោយផលដើម្បីឲ្យប្រជាពលរដ្ឋ និងព្រះសង្ឃអាចរស់នៅ និងធ្វើសកម្មភាពព្រះពុទ្ធសាសនាប្រកបដោយស្ថិរភាព និងស្របច្បាប់។ ព្រះតេជគុណបានស្នើឲ្យថ្នាក់ដឹកនាំខេត្តពិចារណាលើការបង្កើនចំនួនសិស្សខ្មែរបានសិក្សានៅវិទ្យាល័យជនជាតិអន្តេវាសិកខេត្ត Vinh Long និងមានគោលនយោបាយគាំទ្រគ្រូបង្រៀនក្នុងការបើកថ្នាក់បង្រៀនអក្សរខ្មែរសម្រាប់សិស្សានុសិស្សក្នុងវិស្សមកាលនៅតាមវត្តអារាម។

ពិធីសែនដូនតារបស់ប្រជាពលរដ្ឋខ្មែរ ឆ្នាំ២០២៤ ប្រព្រឹត្តទៅរយៈពេល៣ថ្ងៃ (ចាប់ពីថ្ងៃទី១ ដល់ថ្ងៃទី៣ ខែតុលា)។ គណៈកម្មាធិការប្រជាជនខេត្ត Vinh Long ស្នើឱ្យគ្រប់ថ្នាក់ និងមូលដ្ឋានបង្កើតលក្ខខណ្ឌសម្រាប់ប្រជាជនចូលរួមពិធីបុណ្យក្នុងស្មារតីសប្បាយរីករាយ សុខភាព សុវត្ថិភាព ពង្រឹងសាមគ្គីភាព និងលើកតម្កើងអត្តសញ្ញាណវប្បធម៌ជនជាតិខ្មែរ។

បកប្រែដោយ Duy Hoan