កងកម្លាំងប្រដាប់អាវុធយោធភូមិភាគទី ២ ខិតខំជួយប្រជាជនជំនះពុះពារផលវិបាកដោយសារគ្រោះមហន្តរាយធម្មជាតិ

កងជីវពលដឹកស្បៀងអាហារទៅភូមិ Linh (ឃុំ Muong Pon ស្រុក Dien Bien)

ប្រឈមមុខនឹងការវិវឌ្ឍដ៏ស្មុគស្មាញនៃស្ថានការណ៍គ្រោះមហន្តរាយធម្មជាតិនៅខេត្ត Dien Bien ភាគខាងជើងវៀតណាម បញ្ជាការដ្ឋានយោធភូមិភាគទី ២ បានបញ្ជាឱ្យបញ្ជាការដ្ឋានយោធាខេត្ត Dien Bien និងកងពលធំលេខ ៣៥៥ បន្តកៀរគរកម្មាភិបាល និងយុទ្ធជនជាង ៤០០ នាក់ដោយមានការសម្របសម្រួលជាមួយកងទ័ពការពារព្រំដែន នគរបាល និងកងជីវពលក្នុងមូលដ្ឋាន ជម្នះពុះពារផលវិបាកដោយសារទឹកជំនន់ និងការរអិលបាក់ដីដើម្បីស្វែងរកជនរងគ្រោះបាត់ខ្លួន និងជួយប្រជាជនរក្សាលំនឹងជីវភាពរស់នៅ។

បញ្ជាការដ្ឋានយោធាខេត្ត Dien Bien រៀបចំការពិនិត្យ និងចែកថ្នាំពេទ្យដោយឥតគិតថ្លៃជូនប្រជាជននៅតំបន់ទឹកជំនន់

នាថ្ងៃទី ៣១ ខែកក្កដា បញ្ជាការដ្ឋានយោធាខេត្ត Dien Bien បានសហការជាមួយកងកម្លាំងសាងសង់ផ្ទះបណ្តោះអាសន្នចំនួន ៣ ខ្នង ដែលមានផ្ទៃដី ២៥០ ម៉ែត្រការ៉េ នៅភូមិ Huoi Ke និងភូមិ Linh (ឃុំ Muong Pon) ជូនគ្រួសារចំនួន ៩ ដែលមានផ្ទះត្រូវកួចទៅដោយទឹកជំនន់ និងប្រឈមនឹងហានិភ័យនៃការបាក់ដី។ កងវរសេនាធំលេខ ៨២ កងពលធំលេខ៣៥៥ បានកៀរគរកម្លាំងជម្លៀសប្រជាជនទៅកន្លែងមានសុវត្ថិភាព។

ការចែកស្បៀងអាហារដល់ប្រជាជននៅភូមិ Linh ឃុំ Muong Pon

បញ្ជាការដ្ឋានយោធភូមិភាគទី២ បញ្ជាឱ្យបណ្តាអង្គភាពបន្តរក្សាយ៉ាងម៉ឺងម៉ាត់នូវភារកិច្ចជួយសង្គ្រោះ ២៤/២៤ នៅគ្រប់លំដាប់ថ្នាក់; តាមដានយ៉ាងដិតដល់នូវស្ថានភាពទឹកភ្លៀង និងទឹកជំនន់ក្នុងតំបន់; ត្រៀមជាស្រេចកម្លាំង និងយានជំនិះចល័តដើម្បី​ជួយប្រជាជនជំនះពុះពារផលវិបាកដោយសារគ្រោះធម្មជាតិ។

កងទ័ពនៃកងវរសេនាធំលេខ ៨២ ជួយប្រជាជនក្នុងឃុំ Muong Pon ជម្នះពុះពារផលវិបាកដោយ​សារគ្រោះមហន្តរាយធម្មជាតិ

នាថ្ងៃទី ៣១ ខែកក្កដា នៅពេលចុះត្រួតពិនិត្យ និងដឹកនាំការងារជំនះពុះពារ និងជួយសង្គ្រោះនៅឃុំ Muong Pon លោក Mua A Son លេខាធិការរងអចិន្ត្រៃយ៍នៃគណៈកម្មាធិការបក្សខេត្ត Dien Bien បានស្នើឲ្យគណៈកម្មាធិការបក្សស្រុក និងអាជ្ញាធរស្រុក Dien Bien ជាមួយនឹងការកៀរគរជាអតិបរមានូវកងកម្លាំងយោធា កងទ័ពការពារព្រំដែន និងនគរបាលមូលដ្ឋាន ដាក់ពង្រាយការស្វែងរក និងជួយសង្គ្រោះជាបន្ទាន់ និងជម្នះពុះពារផលវិបាកដោយសារគ្រោះមហន្តរាយធម្មជាតិ និងផ្តោតលើការជួយជម្លៀសប្រជាជនទៅកន្លែងមានសុវត្ថិភាព។ល៕

បកប្រែដោយ Huyen Trang