ធនធានមនុស្សសម្រាប់វិស័យ semiconductor របស់វៀតណាមនៅក្នុងខ្សែសង្វាក់ផ្គត់ផ្គង់ពិភពលោក
កប.អនឡាញ - នោះគឺជាឈ្មោះនៃសិក្ខាសាលាអន្តរជាតិដែលប្រព្រឹត្តិទៅនាថ្ងៃទី ៤ ឧសភា នៅទីក្រុងហាណូយ ដែលរៀបចំដោយសម្ព័ន្ធក្រុមហ៊ុន Phenikaa សាកលវិទ្យាល័យ Phenikaa សហការជាមួយសម្ព័ន្ធក្រុមហ៊ុន Synopsys និងសាកលវិទ្យាល័យរដ្ឋ Arizona នៅសហរដ្ឋអាមេរិក។ លោក Tran Hong Ha ឧបនាយករដ្ឋមន្ត្រីវៀតណាមបានអញ្ជើញចូលរួម និងថ្លែងមតិក្នុងសិក្ខាសាលា។
សិក្ខាសាលាបានពិភាក្សាអំពីខ្លឹមសារសំខាន់ៗជុំវិញបញ្ហាធនធានមនុស្សសម្រាប់វិស័យ semiconductor IC នៅវៀតណាមដូចជា៖ លទ្ធភាពនៃការបណ្តុះបណ្តាលវិស្វករ IC វៀតណាមចំនួន ៥០០០០ នាក់នៅឆ្នាំ២០៣០; គោលនយោបាយគាំទ្ររបស់រដ្ឋាភិបាលចំពោះសាកលវិទ្យាល័យបណ្តុះបណ្តាលពលករសម្រាប់វិស័យ semiconductor; បទពិសោធន៍ក្នុងការបណ្តុះបណ្តាលធនធានមនុស្សសម្រាប់វិស័យ semiconductor ពីក្រុមហ៊ុន និងសាកលវិទ្យាល័យឈានមុខគេលើពិភពលោក...
ក្នុងព្រឹត្តិការណ៍នេះផងដែរ អ្នកជំនាញបានពិភាក្សា និងចែករំលែកមធ្យោយបាយ និងមន្ទីរពិសោធន៍សម្រាប់បណ្តុះបណ្តាល និងការរចនាបន្ទះឈីប semiconductor ជាពិសេសរបៀបដើម្បីអាចបង្កើតប៉មធនធានមនុស្សសម្រាប់វិស័យ semiconductor ពីធនធានមនុស្សដ៏មានសក្តានុពលរបស់វៀតណាម ។
បកប្រែដោយ Duy Hoan