ក្រុមហ៊ុន Vietjet បើកផ្លូវហោះហើរទៅកាន់ទីក្រុង Perth និងទីក្រុង Adelaide

ជាមួយនឹងផ្លូវហោះហើរថ្មីទៅកាន់ទីក្រុងទាំងពីរគឺ Perth និង Adelaide ក្រុមហ៊ុន Vietjet មានផ្លូវហោះហើរចំនួន ៥ ដែលតភ្ជាប់ប្រទេសវៀតណាមជាមួយនឹងទីក្រុងធំៗចំនួន៥ នៃប្រទេសអូស្ត្រាលី រួមមាន ក្រុង Melbourne ក្រុង Sydney ក្រុង Brisbane ក្រុង Perth និងក្រុង Adelaide ជាមួយជើងហោះហើរសរុបចំនួន ៥៨ ជើងជារៀងរាល់សប្តាហ៍ ចាប់ពីខែធ្នូ ឆ្នាំ២០២៣។

លោកស្រី Zoe Bettison រដ្ឋមន្ត្រីក្រសួងទេសចរណ៍នៃរដ្ឋអូស្ត្រាលីខាងត្បូង (អាវពណ៌បៃតង) តំណាងក្រុមហ៊ុន Vietjet និងអាកាសយានដ្ឋាន Adelaide ចូលរួមពិធីបើកផ្លូវហោះហើរថ្មីរបស់ Vietjet

ផ្លូវហោះហើរថ្មីរបស់ក្រុមហ៊ុន Vietjet មានជើងហោះហើរចំនួន ៥ ជើងក្នុងមួយសប្តាហ៍។ ផ្លូវហោះហើរនេះបានបង្កើតលក្ខណៈងាយស្រួលសម្រាប់ប្រជាជន និងអ្នកទេសចរក្នុងការធ្វើដំណើររវាងទីក្រុងធំៗរបស់វៀតណាម ជាមួយនឹងទីក្រុងឈានមុខគេនៃប្រទេសអូស្ត្រាលី ហើយតភ្ជាប់ប្រទេសអូស្ត្រាលី ជាមួយប្រទេសឥណ្ឌា និងបណ្តាប្រទេសអាស៊ីអាគ្នេយ៍ អាស៊ីបូព៌ា។

ពីថ្ងៃទី ២២ ខែវិច្ឆិកា ដល់ថ្ងៃទី ២៨ ខែវិច្ឆិកា ឆ្នាំ២០២៣ ក្រុមហ៊ុន Vietjet ក៏លក់សំបុត្រយន្តហោះមានតម្លៃចាប់ពី ០ ដុង សម្រាប់ជើងហោះហើរក្នុងស្រុក និងអន្តរជាតិ ដោយមានរយៈពេលហោះហើរចាប់ពីថ្ងៃទី ១ ខែមករា ឆ្នាំ២០២៤ រហូតដល់ថ្ងៃទី ៣១ ខែតុលា ឆ្នាំ២០២៤។ ទន្ទឹមនឹងនោះ Vietjet នៅមានកម្មវិធីទិញសំបុត្រយន្តហោះដោយបង់រំលស់តាមប្រព័ន្ធអ៊ីនធឺណែត។ ល៕

បកប្រែដោយ Thuy Anh