ថវិកាជិត ៨៩៧ ពាន់លានដុងសម្រាប់ថែទាំអ្នកមានស្ថានភាពជីវភាពជួបការលំបាក

ទន្ទឹមនឹងការផ្តល់អំណោយ មូលដ្ឋានជាច្រើនក៏បានអនុវត្តសកម្មភាពមនុស្សធម៌ជាក់ស្តែងដូចជា ការជួសជុលផ្ទះ ការបង្កើតការងារ ការសាងសង់សំណង់សាធារណៈ និងផ្ដល់អាហារូបករណ៍សម្រាប់សិស្សដែលមានស្ថានភាពលំបាក រួមចំណែកជួយប្រជាជនមានស្ថិរភាពក្នុងជីវភាពរស់នៅ។

ថវិកាជិត ៨៩៧ ពាន់លានដុង ដើម្បីថែទាំអ្នកមានស្ថានភាពលំបាក

ក្នុងឱកាសនេះ សមាគមកាកបាទក្រហមវៀតណាមនៅគ្រប់លំដាប់ថ្នាក់ទូទាំងប្រទេសបានរៀបចំកម្មវិធី "បុណ្យចូលឆ្នាំថ្មីពោរពេញទៅដោយសេចក្ដីមេត្តាធម៌" ថ្នាក់ខេត្តចំនួន ១២៦ ជាមួយនឹងសកម្មភាពដ៏សម្បូរបែបដូចជា ការផ្តល់អំណោយ កម្មវិធីវប្បធម៌និងសិល្បៈ ល្បែងប្រជាប្រិយ ការប្រគល់អក្សរផ្ចង់ កាត់សក់ដោយឥតគិតថ្លៃជាដើម។ តាមរយៈសកម្មភាពទាំងនេះ មិនត្រឹមតែឧបត្ថម្ភសម្ភារៈប៉ុណ្ណោះទេ ប៉ុន្តែថែមទាំងបង្កើតបរិយាកាសរីករាយ និងកក់ក្តៅសម្រាប់ការអំណរនិទាឃរដូវ រួមចំណែកដល់ការតភ្ជាប់សហគមន៍ និងផ្សព្វផ្សាយស្មារតីមេត្តាករុណា៕

បកប្រែដោយ Thanh Cong