លោកអគ្គលេខាបក្ស៖ ចាំបាច់ត្រូវតែ​មានយុទ្ធសាស្ត្រជាក់ស្តែង ដើម្បីរៀបចំរចនាសម្ព័ន្ធសេដ្ឋកិច្ចឡើងវិញ

នៅក្នុងជំនួបធ្វើការ លោក To Lam អគ្គលេខាបក្ស បានស្នើឱ្យស្ថាប័នពាក់ព័ន្ធទាំងអស់ត្រូវតែមានយុទ្ធសាស្ត្រជាក់ស្តែងសំដៅរៀបចំរចនាសម្ព័ន្ធសេដ្ឋកិច្ចឡើងវិញ ធ្វើឱ្យមានតុល្យភាពពាណិជ្ជកម្ម ខណៈពេលដែលធានាបាននូវគោលដៅកំណើនសេដ្ឋកិច្ច តភ្ជាប់ពាណិជ្ជកម្មជាមួយនឹងការធ្វើឱ្យប្រសើរឡើងនូវបច្ចេកវិទ្យា និងឧបករណ៍ ការវិនិយោគដែលមានគុណភាពខ្ពស់ បង្កើនតួនាទីរបស់អាជីវកម្មវៀតណាមនៅក្នុងខ្សែសង្វាក់ផលិតកម្មសកល។

ទិដ្ឋភាពនៃជំនួបធ្វើការ​​ (រូបថត៖ vnanet.vn)

លោក To Lam អគ្គលេខាបក្ស បានស្នើឱ្យគណៈកម្មាធិការអចិន្ត្រៃយ៍នៃគណៈកម្មាធិការបក្សរដ្ឋាភិបាលផ្តោតលើធនធានលើការស្រាវជ្រាវ និងអនុវត្តទិសដៅជាច្រើនក្នុងរយៈពេលខាងមុខ ដូចជា៖ បង្កើនការនាំចេញប្រកបដោយចីរភាពយ៉ាងឆាប់រហ័ស ការកែលម្អសមត្ថភាពផលិតកម្មក្នុងស្រុក និងការធ្វើពិពិធកម្មទីផ្សារនាំចូល និងនាំចេញ។ ជាមួយគ្នានោះ ស្រាវជ្រាវ និងអភិវឌ្ឍផែនការសម្រាប់កិច្ចសហប្រតិបត្តិការឧស្សាហកម្មក្នុងលក្ខណៈជាក់ស្តែង និងមានតុល្យភាព ដោយបង្កើនសមត្ថភាពផលិតកម្ម អត្រាធ្វើមូលដ្ឋានីយកម្ម និងតម្លៃបន្ថែមសម្រាប់ផលិតផលឧស្សាហកម្មវៀតណាម៕

បកប្រែដោយ Thanh Cong