កុមារនៅក្នុងពិភពឌីជីថល - ដោះស្រាយហានិភ័យនិងជំរុញឱកាស

ទិដ្ឋភាពសិក្ខាសាលា (រូបថត៖ Hoang Hieu - VNA)

ការអភិវឌ្ឍនៃបច្ចេកវិទ្យាព័ត៌មានអ៊ីនធឺណិតនាំមកនូវអត្ថប្រយោជន៍ជាច្រើនដល់កុមារ ប៉ុន្តែក៏បង្កឡើងហានិភ័យទៅលើកុមារផង​ដែរ។ នេះជាព័ត៌មានដែលបានលើកឡើងនៅក្នុងសិក្ខាសាលា "កុមារក្នុងពិភពឌីជីថល - ដោះស្រាយហានិភ័យនិងជំរុញឱកាស" ដែលត្រូវបានក្រសួងការងារ យុទ្ធជនពិការ និងសង្គមកិច្ចវៀតណាម សហការជាមួយមូលនិធិកុមារអង្គការសហប្រជាជាតិប្រចាំនៅវៀតណាម (UNICEF) រៀបចំឡើងកាលពីថ្ងៃទី ២៤ ឧសភា នៅទីក្រុងហាណូយ។ ព្រឹត្តិការណ៍នេះឆ្ពោះទៅខែ ធ្វើសកម្មភាពសម្រាប់កុមារឆ្នាំ ២០២៣ (ចាប់ពីថ្ងៃទី ១ ដល់ថ្ងៃទី ៣០ ខែមិថុនា)។

នៅក្នុងសិក្ខាសាលានេះ ប្រតិភូបានចាត់ទុកថា បច្ចុប្បន្ននេះ កុមារបានចំណាយពេលវេលាកាន់តែច្រើនឡើងក្នុងការប្រើប្រាស់អ៊ីនធឺណិតដោយគោលដៅផ្សេងៗគ្នាជាច្រើន។ ប្រការនេះក៏បណ្ដាលឲ្យកុមារត្រូវប្រឈមនឹងហានិភ័យដែលលាក់ខ្លួនជាច្រើន ក្នុងនោះមានការទទួលរងការរំលោភបំពានតាមអ៊ីនធឺណិតផងដែរ។ នៅចំពោះមុខ ស្ថានភាពនេះ ប្រតិភូមកពីមូលនិធិកុមាររបស់អង្គការសហប្រជាជាតិប្រចាំនៅវៀតណាម ខុទ្ទកាល័យរដ្ឋសភា ខុទ្ទកាល័យរដ្ឋាភិបាល ក្រសួងអប់រំនិងបណ្តុះបណ្តាល ក្រសួងព័ត៌មាននិងទូរគមនាគមន៍ ក្រសួងនគរបាលបានចែករំលែកបទពិសោធន៍របស់អន្តរជាតិ និងភាគីពាក់ព័ន្ធ ដើម្បីខិតខំប្រឹងប្រែងការពារកុមារនៅលើលំហ អ៊ីនធឺណិត ដោះស្រាយហានិភ័យដែលកុមារអាចប្រឈមមុខ ហើយជំរុញឱកាសអភិវឌ្ឍន៍ប្រកបដោយភាពស្អាតស្អំសម្រាប់កុមារនៅក្នុងពិភពឌីជីថលផងដែរ៕

តាម vovworld.vn