ចំនួនគម្រោង FDI ថ្មីនៅវៀតណាមមានការកើនឡើងរហូតដល់ ៤៨.៥% ក្នុងខែមករា ឆ្នាំ២០២៣
កប.អនឡាញ - នាថ្ងៃទី ២៩ ខែមករា អគ្គនាយកដ្ឋានស្ថិតិ (ក្រសួងផែនការ និងវិនិយោគ) បានឲ្យដឹងថា ក្នុងខែមករា ឆ្នាំ ២០២៣ វៀតណាមបានអនុម័តគម្រោងវិនិយោគផ្ទាល់ពីបរទេស (FDI) ថ្មីចំនួន ១៥៣ គម្រោង ដែលមានដើមទុនសរុបចំនួន ១.២ ពាន់លានដុល្លារអាមេរិក កើនឡើង ៤៨.៥% ក្នុងចំនួនគម្រោង និង ៣.១ ដងក្នុងដើមទុនចុះបញ្ជីបើប្រៀបធៀបនឹងរយៈពេលដូចគ្នាកាលពីឆ្នាំមុន។
លទ្ធផលនៃការទាក់ទាញគម្រោងថ្មីៗក្នុងខែមករា ឆ្នាំ២០២៣ ត្រូវបានចាត់ទុកថាជាសញ្ញាវិជ្ជមាន បើកឱកាសសម្រាប់វៀតណាមក្នុងឆ្នាំ ២០២៣។ ក្នុងនោះគម្រោង FDI ថ្មី ដែលទាក់ទងនឹងវិស័យលក់ដុំ លក់រាយ និងជួសជុលរថយន្ត ម៉ូតូ និងយានជំនិះមានសមាមាត្រដ៏ធំបំផុតនៃដើមទុនចុះោោោបញ្ជីដែលឈានដល់ ៦៥១.៩ លានដុល្លារអាមេរិក ស្មើនឹង ៥៤.១% នៃទុនវិនិយោគសរុប បន្ទាប់មកគឺឧស្សាហកម្មកែច្នៃ និងផលិតកម្ម៕
បកប្រែដោយ Thanh Cong