ការបញ្ជូនពលរដ្ឋវៀតណាមពីប្រទេសអូស្ត្រាលី និងនូវែលសេឡង់វិលត្រឡប់ប្រទេសវិញ
កប.អនឡាញ - នាថ្ងៃទី១ និងទី២ ខែមិថុនា ស្ថាប័នមានសមត្ថកិច្ចវៀតណាម ស្ថានតំណាងរបស់វៀតណាមនៅប្រទេសអូស្ត្រាលី និងនូវែលសេឡង់ ក្រុមហ៊ុនអាកាសចរណ៍ជាតិវៀតណាមបានសហការជាមួយស្ថាប័នសមត្ថកិច្ចនៃប្រទេសម្ចាស់ផ្ទះបញ្ជូនពលរដ្ឋវៀតណាមចំនួន ៣៤៤ នាក់ពីរដ្ឋជាច្រើនរបស់ប្រទេសអូស្ត្រាលី និងនូវែលសេឡង់ វិលត្រឡប់មកប្រទេសវិញប្រកបដោយសុវត្ថិភាព។
ពលរដ្ឋវៀតណាមទាំងនេះគឺជាអ្នកមានស្ថានភាពពិបាកខ្លាំងមានបំណងចង់ត្រឡប់មកប្រទេសវិញដូចជាសិស្សានុសិស្សអាយុក្រោម ១៨ ឆ្នាំ មនុស្សចាស់ ស្ត្រីមានផ្ទៃពោះ អ្នកមានជំងឺប្រចាំកាយ។ល។
ក្រុមហ៊ុនអាកាសចរណ៍ជាតិវៀតណាមបានអនុវត្តយ៉ាងហ្មឺងម៉ាត់តាមបទប្បញ្ញត្តិស្តីពីការប្រយុទ្ធប្រឆាំងនឹងជំងឺ Covid-19 និងអនាម័យរោគរាតត្បាត។ បន្ទាប់ពីចុះចតនៅអាកាសយានដ្ឋានអន្តរជាតិ Tan Son Nhat អ្នកធ្វើដំណើរត្រូវបានធ្វើចត្តាឡីស័ក និងដាក់ឲ្យនៅដាច់ដោយឡែក៕
បកប្រែដោយ Thuy Anh