ម៉ាកយីហោវៀតណាមបញ្ជាក់ពីតួនាទីក្នុងប្រព័ន្ធ Carrefour

ប្រតិភូកាត់ខ្សែបូនៅក្នុងពិធីបើកសម្ពោធ (រូបថត៖ VOV)

ព្រឹត្តិការណ៍នេះមិនត្រឹមតែបង្កើតបរិយាកាសនៃបុណ្យចូលឆ្នាំថ្មីប្រពៃណីវៀតណាមនៅប្រទេសបារាំងប៉ុណ្ណោះទេ ប៉ុន្តែថែមទាំងជាព្រឹត្តិការណ៍សំខាន់មួយផងដែរ ខណៈដែលម៉ាកយីហោ VIFON បានបង្ហាញមុខជាផ្លូវការនៅទីផ្សារទំនើប Carrefour ដែលជាប្រព័ន្ធលក់រាយឈានមុខគេរបស់អឺរ៉ុប ជាមួយនឹងផលិតផលសំខាន់ៗ ដូចជា ហ្វើ និងនំបញ្ចុក... ដែលបំពេញតាមស្តង់ដារគុណភាពនៃទីផ្សារអឺរ៉ុប។

ក្នុងព្រឹត្តិការណ៍នេះ លោក Vu Anh Son ទីប្រឹក្សាពាណិជ្ជកម្ម និងជាប្រធានការិយាល័យពាណិជ្ជកម្មវៀតណាមប្រចាំប្រទេសបារាំង បានសង្កត់ធ្ងន់ថា ការបង្ហាញមុខរបស់ VIFON បញ្ជាក់ម្តងទៀតពីសក្តានុពលដ៏ធំធេងរបស់ម៉ាកយីហោវៀតណាមនៅអឺរ៉ុប។ យើងត្រៀមខ្លួនជាស្រេចរួមដំណើរជាមួយធុរកិច្ចវៀតណាមមិនត្រឹមតែក្នុងផ្សព្វផ្សាយដល់ពិភពលោកប៉ុណ្ណោះទេ ប៉ុន្តែថែមទាំងការអភិវឌ្ឍយ៉ាងរឹងមាំក្នុងយុគសម័យថ្មីផងដែរ៕

បកប្រែដោយ Thanh Cong