ការបញ្ជូនពលរដ្ឋវៀតណាមជិត ៣៤០ នាក់ពីប្រទេសកូរ៉េខាងត្បូងវិលត្រឡប់មកប្រទេសកំណើតវិញ
កប.អនឡាញ - នាថ្ងៃទី២៧ ខែឧសភា ស្ថាប័នសមត្ថកិច្ចវៀតណាម ស្ថានទូតវៀតណាមប្រចាំនៅកូរ៉េខាងត្បូង និងក្រុមហ៊ុនអាកាសជាតិវៀតណាមបានរៀបចំជើងហោះហើរបញ្ជូនពលរដ្ឋវៀតណាមជិត ៣៤០ នាក់ចុះចតនៅអាកាសយានដ្ឋានអន្តរជាតិ Da Nang ដោយសុវត្ថិភាព។
អ្នកដំណើររួមមានកុមារ សិស្ស មនុស្សចាស់ជរា អ្នកជំងឺ និស្សិតវៀតណាមបានបញ្ចប់ការសិក្សា ពលករមានទិដ្ឋាការ និងកិច្ចសន្យាការងារផុតកំណត់ និងភ្ញៀវទេសចរជាច្រើនត្រូវបានជាប់គាំងដោយសាររោគរាតត្បាត Covid-19។
|
|
អាកាសយានដ្ឋានអន្តរជាតិ Da Nang (រូបថត៖ ក្រសួងការបរទេសវៀតណាម) |
អនុវត្តតាមការបញ្ជារបស់នាយករដ្ឋមន្រ្តីនៅប៉ុន្មានថ្ងៃកន្លងមក ក្រសួងការបរទេសវៀតណាម ក្រសួងដឹកជញ្ជូនវៀតណាម ស្ថាប័នសមត្ថកិច្ចក្នុងប្រទេស និងស្ថាប័នតំណាងរបស់វៀតណាមប្រចាំនៅឯកបរទេសបានរៀបចំជើងហោះហើរជាច្រើនដើម្បីបញ្ជូនពលរដ្ឋវៀតណាមវិលត្រឡប់មកប្រទេសកំណើតវិញ។
បន្ទាប់ពីចុះចតប្រកបដោយសុវត្ថិភាពនៅវៀតណាម អ្នកដំណើរ និងក្រុមអាកាសយានិកត្រូវបានពិនិត្យសុខភាព និងដាក់ឲ្យនៅដាច់ដោយឡែក។ មនុស្សដែលរកឃើញថាមានផ្ទុកវីរុស SARS-CoV-2 ត្រូវបានបញ្ជូនទៅមន្ទីពេទ្យតែម្តង៕
បកប្រែដោយ Thuy Anh