ក្រុមហ៊ុន Vietnam Airlines រៀបចំឡើងវិញនូវជើងហោះហើរក្នុងស្រុកបន្ទាប់ពីការរីករាលដាលនៃជំងឺ Covid-19 ត្រូវបានគ្រប់គ្រង
កប.អនឡាញ - ក្រុមហ៊ុនអាកាសចរណ៍ជាតិវៀតណាម Vietnam Airlines បានរៀបចំឡើងវិញនូវជើងហោះហើរក្នុងស្រុកទាំងអស់ បើប្រៀបធៀបនឹងរយៈពេលដូចគ្នានៃឆ្នាំ ២០១៩។
នាថ្ងៃទី២៩ ខែឧសភា ចំនួនជើងហោះហើរបានកើនឡើង ៣៦% បើប្រៀបធៀបនឹងរយៈពេលដូចគ្នានៃឆ្នាំ ២០១៩ និងមានជើងហោះហើរជាង ៣០០។
នេះគឺជាសញ្ញាវិជ្ជមានបង្ហាញពីការងើបឡើងវិញយ៉ាងខ្លាំងក្លារបស់ក្រុមហ៊ុន Vietnam Airlines និយាយដោយឡែក និងអាកាសចរណ៍ក្នុងស្រុកនិយាយរួម។ ក្នុងបរិបទនៃការរីករាលដាលនៃជំងឺ Covid-19 នៅវៀតណាមត្រូវបានគ្រប់គ្រង ចំនួនអ្នកដំណើរបានកើនឡើងយ៉ាងឆាប់រហ័ស។ តាំងពីបញ្ចប់ការរក្សាគម្លាតសង្គមនាថ្ងៃទី២៣ ខែមេសាមក ក្រុមហ៊ុន Vietnam Airlines បានដឹកអ្នកដំណើរក្នុងស្រុកជាង ៥០០,០០០ នាក់។
ចំពោះជើងហោះហើរអន្តរជាតិ ក្រសួង ស្ថាប័នមានសមត្ថកិច្ចកំពុងស្រាវជ្រាវ និងរាយការណ៍ជូនដល់រដ្ឋាភិបាលសម្រាប់ការពិចារណា និងការសម្រេចចិត្តនូវពេលវេលាបើកជើងហោះហើរពាណិជ្ជកម្ម ការទៅសួរសុខទុក្ខសាច់ញាតិ ទេសចរណ៍ និងការវិនិយោគដោយអាស្រ័យលើការវិវត្តជាក់ស្តែងនៃជំងឺរោគរាតត្បាតនៅក្នុងប្រទេសនិងនៅលើពិភពលោក។ ក្រុមហ៊ុន Vietnam Airlines ត្រៀមខ្លួនជាស្រេចដើម្បីបើកឡើងវិញនូវជើងហោះហើរតាមការសម្រេចរបស់រដ្ឋាភិបាល៕
បកប្រែដោយ Thuy Anh