ខេត្ត Long An៖ បញ្ជាការដ្ឋានយោធាស្រុកស្វាយជ្រំ មកសួរសុខទុក្ខ និងជូនពរឆ្នាំថ្មីចំពោះបញ្ជាការដ្ឋានយោធាស្រុក Vinh Hung

តាងនាមឲ្យក្រុមបេសកកម្ម លោកមេបញ្ជាការនៃបញ្ជាការដ្ឋានយោធាស្រុកស្វាយជ្រំ បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅរបស់បញ្ជាការដ្ឋានយោធាស្រុក Vinh Hung ចំពោះក្រុមបេសកកម្ម ហើយអបអរសារទរចំពោះសមិទ្ធិផលជាច្រើនដែលកម្មាភិបាលនិងយុទ្ធជននៃកងកំលាំងប្រដាប់អាវុធស្រុក Vinh Hung សម្រេចបានក្នុងឆ្នាំកន្លងទៅ រួមចំណែកយ៉ាងសំខាន់ក្នុងការថែរក្សាសន្តិសុខនយោបាយនៅខេត្ត Long An និយាយរួម និងស្រុក Vinh Hung និយាយដោយឡែក។

ក្រុមបេសកកម្មយោធាស្រុកស្វាយជ្រំ ខេត្តស្វាយរៀង ជូនអំណោយឆ្នាំថ្មី ដល់បញ្ជាការដ្ឋានយោធាស្រុក Vinh Hung

ទន្ទឹមនឹងនោះ ក្រុមបេសកកម្មយោធាស្រុកស្វាយជ្រំ បានជូនពរកម្មាភិបាល និងយុទ្ធជននៃកងកំលាំងប្រដាប់អាវុធស្រុក Vinh Hung បន្តទទួលជោគជ័យជាច្រើន និងបំពេញល្អនូវភារកិច្ចដែល បក្ស រដ្ឋ និងកងទ័ពប្រគល់ជូន និងជូនពរឲ្យចំណងសាមគ្គីភាព និងមិត្តភាពរវាងបញ្ជាការដ្ឋានយោធាស្រុក Vinh Hung និងបញ្ជាការដ្ឋានយោធាស្រុកស្វាយជ្រំ កាន់តែរឹងមាំ។

លោកវរសេនីយ៍ឯកបំរុង Vo Van Tuan មេបញ្ជាការនៃបញ្ជាការដ្ឋានយោធាស្រុក Vinh Hung តាងនាមកម្មាភិបាល និងយុទ្ធជននៃកងកម្លាំងប្រដាប់អាវុធស្រុក Vinh Hung ថ្លែងអំណរគុណចំពោះមនោសញ្ចេតនាល្អដែលបញ្ជាការដ្ឋានយោធាស្រុកស្វាយជ្រំ ផ្តល់ជូនចំពោះកម្មាភិបាលនិងយុទ្ធជននៃកងកម្លាំងប្រដាប់អាវុធស្រុកនាពេលកន្លងមកនេះ។

លោកសង្ឃឹមថា នាពេលខាងមុខ អង្គភាពទាំងពីរនឹងពង្រឹងសាមគ្គីភាព ផ្លាស់ប្តូរព័ត៌មាន សហការដើម្បីក្តាប់ស្ថានការណ៍ ទប់ស្កាត់សកម្មភាពបំផ្លិចបំផ្លាញនៃកម្លាំងអរិភាព រួមចំណែករក្សាសន្តិសុខនយោបាយ សណ្តាប់ធ្នាប់សង្គម និងសុវត្ថិភាពនៅតាមព្រំដែន៕

បកប្រែដោយ Thuy Anh