លោក វ៉ី សំណាង អភិបាលខេត្តតាកែវ ចូលជួបសម្តែងការគួរសមជាមួយគណៈកម្មាធិការប្រជាជនខេត្ត An Giang
កប.អនឡាញ - នារសៀលថ្ងៃទី២២ ខែកក្កដា លោក វ៉ី សំណាង អភិបាលខេត្តតាកែវ បានដឹកនាំគណៈប្រតិភូខេត្តតាកែវ មកបំពេញទស្សនកិច្ចនៅគណៈកម្មាធិការប្រជាជនខេត្ត An Giang វៀតណាម។
លោកស្រី Nguyen Thi Minh Thuy អនុប្រធានគណៈកម្មាធិការប្រជាជនខេត្ត An Giang រួមជាមួយថ្នាក់ដឹកនាំមន្ទីរ ស្ថាប័នខេត្ត និងមូលដ្ឋាននានាដែលមានព្រំប្រទល់ជាប់ជាមួយខេត្តតាកែវ បានជួបធ្វើការជាមួយគណៈប្រតិភូ។
ក្នុងជំនួបនេះ លោក វ៉ី សំណាង បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅរបស់ថ្នាក់ដឹកនាំខេត្ត An Giang ចំពោះសមាជិកគណៈប្រតិភូ។ ព្រមទាំង លោកបានសម្តែងនូវក្តីសប្បាយរីករាយ និងបញ្ជាក់ពីទំនាក់ទំនងអ្នកជិតខាង មិត្តភាព និងអភិវឌ្ឍរវាងខេត្តទាំងពីរ។ តាមរយៈនោះ លោកសង្ឃឹមថា ខេត្ត An Giang នឹងបន្តសហការ និងជួយខេត្តតាកែវ អភិវឌ្ឍលើវិស័យកសិកម្ម អប់រំ សុខាភិបាល វប្បធម៌...។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/23/upload_2118/an-giang.jpg?dpi=150&quality=100&w=500) |
ទិដ្ឋភាពនៃជំនួប (រូបថត៖ baoangiang.com.vn) |
តាងនាមថ្នាក់ដឹកនាំខេត្ត An Giang លោកស្រី Nguyen Thi Minh Thuy បានសម្តែងនូវសេចក្តីសោមនស្សរីករាយដោយបានទទួលស្វាគមន៍លោក វ៉ី សំណាង មកជួបសម្តែងការគួរសមជាមួយថ្នាក់ដឹកនាំខេត្ត An Giang និងអបអរសាទរចំពោះលោក ដែលត្រូវបានព្រះមហាក្សត្រត្រាស់បង្គាប់តែងតាំងជាអភិបាលខេត្តតាកែវ។
តាមរយៈនោះ លោកស្រីជឿជាក់ថា ក្នុងតួនាទីថ្មីរបស់ខ្លួន លោក វ៉ី សំណាង នឹងបន្តដឹកនាំអាជ្ញាធរ និងប្រជាជនខេត្តតាកែវ ឲ្យសម្រេចបានសមិទ្ធផលកាន់តែច្រើនថែមទៀត រឹតបន្តឹងសាមគ្គីភាព មិត្តភាពជាប្រពៃណី និងជំរុញការអភិវឌ្ឍសេដ្ឋកិច្ចសង្គមរវាងខេត្តតាកែវ និងខេត្ត An Giang ដើម្បីរួមចំណែកកសាងព្រំដែនកម្ពុជា-វៀតណាម ប្រកបដោយស្ថិរភាព សន្តិភាព កិច្ចសហប្រតិបត្តិការ និងអភិវឌ្ឍន៍៕
បកប្រែដោយ Thuy Anh