ថ្នាក់ដឹកនាំខេត្ត Dong Nai ទៅសួរសុខទុក្ខ និងជូនពរឆ្នាំថ្មីនៅខេត្តកំពង់ធំ
កប.អនឡាញ - នាថ្ងៃទី១ ខែមេសា គណៈប្រតិភូខេត្ត Dong Nai ប្រទេសវៀតណាម ដឹកនាំដោយលោក Thai Bao ប្រធានក្រុមប្រឹក្សាប្រជាជនខេត្ត បានទៅសួរសុខទុក្ខ និងជូនពរឆ្នាំថ្មីប្រពៃណីខ្មែរនៅខេត្តកំពង់ធំ។
ថ្លែងមតិក្នុងជំនួបនេះ លោក Thai Bao បានអះអាងថា វៀតណាម និងកម្ពុជាគឺជាប្រទេសជិតខាងពីរដែលជំនះរាល់បញ្ហាប្រឈម ហើយទំនាក់ទំនងមិត្តភាពជាប្រពៃណីរវាងប្រទេសទាំងពីរត្រូវបានពូនជ្រំ និងក្លាយជាទ្រព្យសម្បត្តិរួមដែលមិនអាចកាត់ថ្លៃបានរបស់ប្រជាជាតិទាំងពីរ។ ក្នុងរយៈពេលជាងកន្លះសតវត្សមក ចាប់តាំងពីការបង្កើតទំនាក់ទំនងការទូតមក បក្ស អាជ្ញាធរ និងប្រជាជននៃប្រទេសទាំងពីរបានយកចិត្តទុកដាក់ សហការយ៉ាងជិតស្និទ្ធ និងសម្រេចបានសមិទ្ធផលលេចធ្លោជាច្រើនលើវិស័យផ្សេងៗ។
|
|
គណៈប្រតិភូខេត្ត Dong Nai និងខេត្តកំពង់ធំថតរូបទុកជាអនុស្សាវរីយ៍ (រូបថត៖ ក្រុមប្រឹក្សាប្រជាជនខេត្ត Dong Nai) |
លោក Thai Bao បានសង្កត់ធ្ងន់ថា ដើម្បីបន្តពង្រឹង និងពង្រីកទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងកម្ពុជានិយាយរួម ហើយរវាងខេត្ត Dong Nai និងមូលដ្ឋានរបស់កម្ពុជានិយាយដោយឡែក នាពេលកន្លងមក គណៈកម្មាធិការបក្ស អាជ្ញាធរ និងប្រជាជនខេត្ត Dong Nai បាននិងកំពុងពូនជ្រំដោយឥតឈប់ឈរនូវទំនាក់ទំនងជាប្រពៃណីល្អជាមួយខេត្តកំពង់ធំក្នុងវិស័យជាច្រើនដូចជាយោធា សុខាភិបាល អប់រំ កសិកម្ម វប្បធម៌ កីឡា...។
ក្នុងបរិយាកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ក្នុងនាមថ្នាក់ដឹកនាំខេត្ត Dong Nai លោក Thai Bao បានជូនពរលោក ងួន រតនៈ អភិបាល និងថ្នាក់ដឹកនាំខេត្តកំពង់ធំមានសុខភាពល្អ សុភមង្គល និងសម្រេចបានជោគជ័យនូវភារកិច្ច និងគោលដៅអភិវឌ្ឍន៍សេដ្ឋកិច្ច-សង្គមនៅឆ្នាំ២០២៤។ សូមជូនពរប្រជាពលរដ្ឋខេត្តកំពង់ធំ កាន់តែរីកចម្រើន សុភមង្គល និងវិបុលភាពក្នុងឆ្នាំថ្មី។
លោក ងួន រតនៈ បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនារបស់គណៈប្រតិភូខេត្ត Dong Nai។ លោក ងួន រតនៈ មានជំនឿថា ទំនាក់ទំនងអ្នកជិតខាង មិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យរវាងវៀតណាមនិងកម្ពុជានិយាយរួម ហើយរវាងខេត្ត Dong Nai និងខេត្តកំពង់ធំនិយាយដោយឡែកនឹងត្រូវបានពង្រឹងនិងពង្រីក ព្រមទាំងរក្សាបាននូវចំណងសាមគ្គីភាពល្អ និងបង្កើនកិច្ចសហប្រតិបត្តិការអភិវឌ្ឍន៍ក្នុងវិស័យជាច្រើនទៀត។
ក្នុងឱកាសនេះ គណៈប្រតិភូខេត្ត Dong Nai បានប្រគល់ថវិកាចំនួន ២០០ លានដុង ដល់ខេត្តកំពង់ធំ ព្រមទាំងទៅទស្សនាតំបន់កេរ្តិ៍ដំណែលប្រវត្តិសាស្រ្ត វប្បធម៌ និងសិល្បៈមួយចំនួននៅក្នុងប្រទេសកម្ពុជា៕
បកប្រែដោយ Thuy Anh