ថ្នាក់ដឹកនាំរណសិរ្សខេត្ត Binh Phuoc អញ្ជើញទៅសួរសុខទុក្ខ និងជូនពរឆ្នាំថ្មីនៅកម្ពុជា

លោកស្រី Le Thi Xuan Trang  ជូនផ្កា ជូនពរបុណ្យចូលឆ្នាំថ្មីប្រពៃណីជាតិខ្មែរ ដល់ថ្នាក់ដឹកនាំរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តក្រចេះ (រូប​ថត៖ daidoanket.vn)

លោកស្រី Le Thi Xuan Trang ប្រធានគណៈកម្មការចលនាមហាជន និងជាប្រធានគណៈកម្មាធិការរណសិរ្សមាតុភូមិវៀតណាមខេត្ត Binh Phuoc តាងនាមគណៈប្រតិភូបានជូនពរចូលឆ្នាំថ្មីប្រពៃណីជាតិខ្មែរដល់ថ្នាក់ដឹកនាំ និងប្រជាជនខេត្តក្រចេះ។ ប្រធានគណៈកម្មាធិការរណសិរ្សមាតុភូមិវៀតណាមខេត្ត Binh Phuoc បានស្ងើចសរសើរចំពោះសមិទ្ធផលដែលខេត្តក្រចេះ មណ្ឌលគិរី ត្បូងឃ្មុំ សម្រេចបាន និងជូនពរការបោះឆ្នោតនាពេលខាងមុខរបស់ខេត្តទទួលបានជោគជ័យ។

លោកស្រី Le Thi Xuan Trang ប្រធានគណៈកម្មាធិការរណសិរ្សមាតុភូមិវៀតណាមខេត្ត Binh Phuoc ប្រគល់អំណោយ ជូនពរបុណ្យចូលឆ្នាំថ្មីប្រពៃណីជាតិខ្មែរ ដល់ថ្នាក់ដឹកនាំរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តមណ្ឌលគិរី (រូប​ថត៖ daidoanket.vn)

ថ្នាក់ដឹកនាំរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តក្រចេះ មណ្ឌលគិរី និងត្បូងឃ្មុំ បានថ្លែងអំណរគុណចំពោះការជូនពរចូលឆ្នាំថ្មី និងសេចក្តីស្រឡាញ់ដ៏ស្មោះស្ម័គ្ររបស់គណៈកម្មាធិការរណសិរ្សមាតុភូមិវៀតណាមខេត្ត Binh Phuoc ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។ ជាមួយគ្នានេះ នាពេលខាងមុខ នឹងសហការយ៉ាងជិតស្និទ្ធបន្ថែមទៀត ដើម្បីរួមចំណែកពង្រឹងទំនាក់ទំនងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងយូរអង្វែងរវាងប្រទេសទាំងពីរនិយាយរួម រវាងខេត្ត Binh Phuoc ជាមួយខេត្តក្រចេះ ខេត្តមណ្ឌលគិរី និងខេត្តត្បូងឃ្មុំ និយាយដោយឡែក ដើម្បីផលប្រយោជន៍របស់ប្រជាជននៃប្រទេសទាំងពីរ ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងលើពិភពលោក។

គណៈប្រតិភូគណៈកម្មាធិការរណសិរ្សមាតុភូមិវៀតណាមនៅខេត្ត Binh Phuoc ថតរូបជាមួយថ្នាក់ដឹកនាំ និងមន្ត្រីនៃរណសិរ្សសាមគ្គីអភិវឌ្ឍន៍មាតុភូមិកម្ពុជានៅខេត្តត្បូងឃ្មុំ (រូប​ថត៖ daidoanket.vn)

នេះជាសកម្មភាពការបរទេសដ៏សំខាន់មួយទាក់ទិននឹងការអនុវត្តអនុស្សរណៈយោគយល់គ្នារវាងគណៈកម្មាធិការរណសិរ្សមាតុភូមិវៀតណាមខេត្ត Binh Phuoc និងរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តក្រចេះ ខេត្តមណ្ឌលគិរី និងខេត្តត្បូងឃ្មុំ  ឆ្នាំ ២០២២ - ២០២៧ ត្រូវបានចុះហត្ថលេខានៅថ្ងៃទី ២៦ ខែតុលា ឆ្នាំ ២០២២ នៅខេត្ត Binh Phuoc។ អាស្រ័យហេតុនេះ រួមចំណែកធ្វើឱ្យទំនាក់ទំនងជាប្រពៃណី សាមគ្គីភាព មិត្តភាព និងកិច្ចសហប្រតិបត្តិការនេះ កាន់តែជិតស្និទ្ធ និងរឹងមាំថែមទៀត៕

បកប្រែដោយ Duy Hoan