ការផ្លាស់ប្តូរបទពិសោធន៍ការងារនយោបាយជាមួយសិក្ខាកាមនៃកងយោពលខេមរភូមិន្ទ

លោកវរសេនីយ៍ឯកបំរុង Luong Hoang Giang ប្រធាននយោបាយនៃបញ្ជាការដ្ឋានយោធាខេត្ត Phu Tho បានជម្រាបជូនអំពីស្ថានភាព និងលទ្ធផលលេចធ្លោក្នុងការអនុវត្តការងារនយោបាយរបស់កងកម្លាំងប្រដាប់អាវុធខេត្តនាពេលកន្លងមកនេះ។ ក្នុងស្មារតីបើកចំហ មិត្តភាព និងការគោរពគ្នាទៅវិញទៅមក នាយទាហាន និងសិក្ខាកាមបានផ្លាស់ប្តូរបទពិសោធន៍ក្នុងការអនុវត្តការងារនយោបាយ ដើម្បីបម្រើដល់ភារកិច្ចបង្វឹកបង្ហាត់ ការត្រៀមប្រយុទ្ធជាស្រេច ការងារអប់រំនយោបាយ ការគ្រប់គ្រងកងទ័ព និងការលើកសរសើរ... របស់បញ្ជាការដ្ឋានយោធាខេត្ត Phu Tho នាពេលកន្លងនេះ។

លោកឧត្តមសេនីយ៍ត្រី Hoang Van Phai ថ្លែងនៅក្នុងកិច្ចប្រជុំ

ក្នុងឱកាសនេះ លោកវរសេនីយ៍ឯក Dao Ngoc Phuong អនុប្រធាននយោបាយនៃយោធភូមិភាគទី២ បានចែករំលែកលទ្ធផលនៃការអនុវត្តការងារនយោបាយរបស់កងទ័ពប្រជាជនវៀតណាមនិយាយរួម និងយោធភូមិភាគទី២ និយាយដោយឡែក។ លោកបានសង្កត់ធ្ងន់ថា ការងារនយោបាយតែងតែដើរតួនាទីស្នូល ក្នុងនោះកត្តាសំខាន់គឺការកសាងធនធានមនុស្សដែលមានឆន្ទៈនយោបាយរឹងមាំ ស្មោះត្រង់ជាដាច់ខាតចំពោះមាតុភូមិ ប្រជាជន និងកងទ័ព។ នេះក៏ជាមូលដ្ឋានសម្រាប់នាយទាហាន និងយុទ្ធជនម្នាក់ៗក្នុងការបំពេញកាតព្វកិច្ច និងភារកិច្ចដែលត្រូវបានប្រគល់ជូន។

លោកឧត្តមសេនីយ៍ត្រី Hoang Van Phai បានថ្លែងអំណរគុណយ៉ាងជ្រាលជ្រៅចំពោះការទទួលស្វាគមន៍យ៉ាងកក់ក្រៅរបស់បញ្ជាការដ្ឋានយោធាខេត្ត Phu Tho។ លោកបានសង្កត់ធ្ងន់ថា ព័ត៌មាន និងបទពិសោធន៍ជាក់ស្តែងដែលបានចែករំលែកដោយបញ្ជាការដ្ឋានយោធាខេត្ត Phu Tho គឺជាឯកសារដ៏មានតម្លៃ ដែលរួមចំណែកដល់ការបំពេញបន្ថែមសម្រាប់កម្មវិធីសិក្សារបស់សិក្ខាកាមនៃកងយោពលខេមរភិមិន្ទ៕

បកប្រែដោយ Thuy Anh